ବୋରିଗୁମ୍ମା, (ବାଘୁଆବାର୍ତ୍ତା): କୋରାପୁଟ ଜିଲ୍ଲା ବୋରିଗୁମ୍ମା ବ୍ଲକ କାର୍ଯ୍ୟାଳୟ ସମ୍ମୁଖରୁ ଲୁଟ୍ ହୋଇଛି । ୩ ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ । ଏ ନେଇ ପୋଲିସ ତଦନ୍ତ ଆରମ୍ଭ କରିଛି । ସୂଚନାଯୋଗ୍ୟ ଯେ, ଗୁରୁବାର କୋରାପୁଟ ଜିଲ୍ଲା ବୋରିଗୁମ୍ମା ଝିଲିମିଲି ଗ୍ରାମର ନନ୍ଦ ନାମକ ଜଣେ ବ୍ୟକ୍ତି ନିଜ ସ୍ତ୍ରୀ ସହିତ ବୋରିଗୁମ୍ମା ଏସ୍ବିଆଇ ବ୍ୟାଙ୍କରୁ ତିନି ଲକ୍ଷ ଟଙ୍କା ଉଠାଇ ଆଣି ବୋରିଗୁମ୍ମା ବ୍ଲକ୍ ଅଫିସ ସମ୍ମୁଖରେ ଏକ ଅଟୋରେ ନିଜ ଟଙ୍କା ବ୍ୟାଗ ରଖି କିଛି କାଗଜପତ୍ର ଜେରକ୍ସ କରିବା ପାଇଁ ଆସିଥିଲେ । ସେହି ସମୟରେ କେହି ଦୁର୍ବୃତ୍ତ ଟଙ୍କା ବ୍ୟାଗ ଲୁଟିନେଇ ଚମ୍ପଟ ମାରିଥିଲେ । ତେବେ ନନ୍ଦ ନିଜ ପୁଅ ବାହାଘର ପାଇଁ ବ୍ୟାଙ୍କରୁ ଟଙ୍କା ଉଠାଇ ଆଣୁଥିଲେ । ଆଖି ପିଛୁଳାକେ ଦୁର୍ବୃତ୍ତ ଟଙ୍କା ବ୍ୟାଗ୍ ନେଇ ଚାଲିଯିବା ସତରେ ପୋଲିସ ପାଇଁ ବଡ ଚ୍ୟାଲେଞ୍ଜ । ବୋରିଗୁମ୍ମା ଅଞ୍ଚଳରେ ଅନେକ ଦିନ ଧରି ସିସିଟିଭି ଅଚଳ ଥିବା ଯୋଗୁଁ ଦୁର୍ବୃତ୍ତ ଏହାର ଫାଇଦା ଉଠାଇ ଦିନ ଦ୍ୱିପ୍ରହରରେ ଏଭଳି ଲୁଟ୍ କରି ଚାଲିଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।





