ଭୁବନେଶ୍ବର, (ବାଘୁଆବାର୍ତ୍ତା): ଭୁବନେଶ୍ବର ଚନ୍ଦ୍ରଶେଖରପୁର ଅଞ୍ଚଳରେ ପୁଣି ଆତଙ୍କ ଖେଳାଇଲେ ଲୁଟେରା । ମୋବାଇଲ୍ ଦୋକାନର ଆଜବେଷ୍ଟସ ଭାଙ୍ଗି ଲୁଟିନେଲେ ୩୫ରୁ ଉର୍ଦ୍ଧ୍ବ ମୋବାଇଲ । ଲୁଟ୍ ସାମଗ୍ରୀର ଆନୁମାନିକ ମୂଲ୍ୟ ୯ ଲକ୍ଷ ଟଙ୍କା ହେବ ବୋଲି ଜଣାପଡିଛି । ଘଟଣାସ୍ଥଳରେ ପିସିଆର୍ ଏବଂ ସ୍ଥାନୀୟ ପୋଲିସ ପଇଁତରା ମାରୁଥିବା ବେଳେ ଅଭିଯୋଗ ଆଧାରରେ ପୋଲିସ ଆଖପାଖ ଅଞ୍ଚଳରେ ଥିବା ସିସିଟିଭି ଯାଞ୍ଚ କରି ତଦନ୍ତ ଆରମ୍ଭ କରିଛି । ଗତ କିଛି ମାସ ତଳେ ଡମଣା ଛକରେ ଥିବା ଏକ ମୋବାଇଲ୍ ଦୋକାନରୁ ସମାନ ଢଙ୍ଗରେ ଲକ୍ଷାଧିକ ଟଙ୍କାର ମୋବାଇଲ୍ ଲୁଟ୍ ହୋଇଥିବା ବେଳେ ପୁଣି ଥରେ ସେହି ଅଞ୍ଚଳରେ ଲୁଟେରାମାନେ ଲୁଟ୍ କରିଛନ୍ତି ।





