ନୟାଗଡ଼, (ବାଘୁଆବାର୍ତ୍ତା): ସରକାରୀ ଚାକିରୀ ଦେବାକୁ କହି ଗିରଫ ହୋଇଛନ୍ତି ବିଭୂତି ଭୂଷଣ ମିଶ୍ର । ଗ୍ରାମ୍ୟ ଉନ୍ନୟନ ବିଭାଗ ନୟାଗଡ଼ ଡିଭିଜନରେ କାର୍ୟ୍ୟରତ ଅଭିଯୁକ୍ତ ବିଭୂତି । ସେ ପୁରୀରୁ ବଦଳି ହୋଇ ନୟାଗଡ଼ ଆସିଥିଲେ । ନୟାଗଡ଼ରୁ ତାଙ୍କୁ ରଣପୁର ଡିଭିଜନ ଦାୟିତ୍ୱ ପ୍ରଦାନ କରାଯାଇଥିଲା । ସେ ୱାର୍କ ସାଇଡର କିରାଣୀ ଭାବେ କାର୍ଯ୍ୟ କରୁଥିଲେ । ନୟାଗଡ଼ ରଣପୁର ସମେତ ଅନେକ ଲୋକଙ୍କୁ ଚୁନ ଲଗାଇଛନ୍ତି ବିଭୁତି । ଚାକିରି ଦେବା ନାଁରେ ଅନେକ ଅର୍ଥ ହରିଲୁଟ କରିଛନ୍ତି । ତିନି ଶହ ଚାକିରି ଆଶାୟୀଙ୍କ ଠାରୁ ଚାରି କୋଟିରୁ ଉର୍ଦ୍ଧ୍ୱ ଟଙ୍କା ଲୁଟ କରି ବିଭିନ୍ନ ହୋଟେଲ ବ୍ୟବସାୟରେ ସମ୍ପୃକ୍ତ ଅଛନ୍ତି । ଦୁଇ ଠକଙ୍କୁ ରିମାଣ୍ଡରେ ଆଣିବ କମିଶନରେଟ୍ ପୋଲିସ । ଜଣେ ଚାକିରୀ ଦେବା ନାଁରେ ଠକୁଥିଲେ ଆଉ ଜଣେ ପୋଷ୍ଟାଲ ଜମା ଟଙ୍କା ହଡପ କରୁଥିଲେ । ଠକଙ୍କୁ ରିମାଣ୍ଡରେ ନେବ ଲକ୍ଷ୍ମୀସାଗର ଥାନା ଓ ଲିଙ୍ଗରାଜ ଥାନା ପୋଲିସ । ସେହିପରି ପୋଷ୍ଟାଲ ଏଜେଣ୍ଟ ସ୍ବର୍ଣ୍ଣଲତା ଦାସଙ୍କୁ ରିମାଣ୍ଡରେ ଆଣିବ ଲିଙ୍ଗରାଜ ଥାନା । ୯୮ ଜମାକାରୀଙ୍କ କୋଟିଏରୁ ଉର୍ଦ୍ଧ୍ବ ଟଙ୍କା ୪୨୦ ମହିଳା ଚଳୁ କରିଛନ୍ତି । ଏ ନେଇ ପୋଲିସ ଖୁବଶୀଘ୍ର କୋର୍ଟରେ ଆବେଦନ କରିବ । ରିମାଣ୍ଡରେ ଆଣିବା ପରେ କ୍ରାଇମ୍ ସିଣ୍ଡିକେଟର ହେବ ଖୋଳତାଡ଼ ।





