ଭୁବନେଶ୍ଵର, (ବାଘୁଆବାର୍ତ୍ତା): ଏସଟିଏଫ୍ ପଞ୍ଝାରେ ବ୍ରାଉନସୁଗର ବେପାରୀ। କୋଟିଏରୁ ଉର୍ଦ୍ଧ୍ଵ ଟଙ୍କାର ଧଳା ଜହର ଜବତ। ନୟାଗଡ ଜିଲ୍ଲା ଫତେଗଡ ଥାନା ପାର୍ଥପୁରରୁ ବ୍ରାଉନସୁଗର କାରବାର ହେଉଥିବା ଖବର ପାଇ ଏସଟିଏଫ୍ ଗ୍ରାହକ ବେସରେ ଚଢାଉ କରିଛି। ବ୍ରାଉନସୁଗର କାରବାର ହେଉଥିବା ଖବର ପାଇ ଫତେଗଡ଼ ଥାନା ଅନ୍ତର୍ଗତ କଣ୍ଟିଲୋ ନାରାୟଣୀ ପୀଠରେ ଏସଟିଏଫ୍ ଚଢାଉ କରିଛି। ଚଢାଉ ବେଳେ ୧ କେଜି ୧୯୦ ଗ୍ରାମର ବ୍ରାଉନସୁଗର ଜବତ ହୋଇଛି। ଏହା ସହ ଜଣେ ନିଶା ବେପାରୀଙ୍କୁ ଏସଟିଏଫ୍ ଗିରଫ କରିଛି। ଗିରଫ ହୋଇଥିବା ଅଭିଯୁକ୍ତ ଜଣଙ୍କ ହେଲେ କଣ୍ଟିଲୋ ଚମୁସାହି ପାଟଣାର ହର ପ୍ରସାଦ ପୃଷ୍ଟି। ୨୦୨୦ରୁ ଏସଟିଏଫ୍ ବିଭିନ୍ନ ସ୍ଥାନରେ ଚଢାଉ କରି ୬୮ କେଜି ବ୍ରାଉନସୁଗର, ୨୦୨ ଗ୍ରାମ କୋକେନ୍, ୧୧୧ ଗ୍ରାମର ଗଞ୍ଜେଇ, ୭୫୦ ଗ୍ରାମର ଅଫିମ ଜବତ କରିଛି। ଏହି ଅଭିଯୋଗରେ ୧୬୬ ଜଣ ନିଶା ବେପାରୀଙ୍କୁ ଗିରଫ କରିଛି।





