ଏକ ଜେରକ୍ସ ଦୋକାନରୁ ଚୋରି ଉଦ୍ୟମ ବିଫଳ, ବାଇକ ଛାଡି ଲୁଟେରା ଫେରାର

ପାଟଣା, (ବାଘୁଆବାର୍ତ୍ତା): କେନ୍ଦୁଝର ଜିଲ୍ଲା ପାଟଣା ବଜାର ଉପରେ ଥିବା ଏକ ଜେରକ୍ସ ଦୋକାନରୁ ଚୋରି ଉଦ୍ୟମ ବିଫଳ । ବାଇକ ଛାଡି ପଳାଇଲେ ଦୁର୍ବୃତ୍ତ । ଶନିବାର ବିଳମ୍ବିତ ରାତିରେ ଦୋକାନର ତାଲା କାଟି ଚୋରି ଉଦ୍ୟମ କରୁଥିଲେ ଦୁଇ ଲୁଟେରା। ତେବେ ରାସ୍ତାରେ ଯାଉଥିବା କିଛି ଯୁବକ ଏହା ଦେଖି ତାଙ୍କୁ ପିଛା କରିବାରୁ ଅନ୍ଧାର ରାତିର ସୁଯୋଗ ନେଇ ଲୁଟେରାମାନେ ଫେରାର ହୋଇଯାଇଥିଲେ । ଖବର ପାଇ ଘଟଣାସ୍ଥଳରେ ପାଟଣା ପୋଲିସ ପହଞ୍ଚି ବାଇକକୁ ଜବତ କରି ତଦନ୍ତ ଚଳାଇଛି। ସେହିପରି ତୁରୁମୁଙ୍ଗା ଥାନା ଖିରେଇଟାଙ୍ଗିରୀ ମେଡିକାଲ ସମ୍ମୁଖରେ ଥିବା ପ୍ରଧାନମନ୍ତ୍ରୀ ଜନ ଔଷଧି ଦୋକାନରୁ ଆଜବେଷ୍ଟସ ଭାଙ୍ଗି ୫ ହଜାର ଟଙ୍କା ଚୋରି ହୋଇଛି ।ପାଟଣା ଓ ତୁରୁମୁଙ୍ଗା ଥାନା ଅଞ୍ଚଳରେ ଏବେ ଚୋରୀ ଵୃଦ୍ଧି ପାଉଥିବାରୁ ଅଞ୍ଚଳ ବାସୀ ଅସନ୍ତୋଷ ପ୍ରକାଶ କରିଛନ୍ତି ।ରାତ୍ର କାଳୀନ ପାଟ୍ରୋଲିଂ ହେଉ ନଥିବାରୁ ଅଞ୍ଚଳରେ ଚୋରି ଓ ଲୁଟ ବଢିଥିବା ବୁଦ୍ଧିଜୀବୀ ମତ ଦେଇଛନ୍ତି।