ଗଜପତି, (ବାଘୁଆବାର୍ତ୍ତା): ବହୁ ଚର୍ଚ୍ଚିତ ଏସିଏଫ୍ସୌମ୍ୟରଂଜନଙ୍କ ମୃତ୍ୟୁଘଟଣାକୁ ୫୦ରୁ ଅଧିକ ଦିନ ବିତିଗଲାଣି । ପାରଳାଖେମୁଣ୍ଡି ପୁଲିସ ଏହି ଘଟଣାର ତଦନ୍ତରେ ଫେଲ୍ମାରିବା ପରେ କ୍ରାଇମବ୍ରାଞ୍ଚ ଏହିଘଟଣାକୁ ହାତକୁ ନେଇ ବର୍ତ୍ତମାନ ପର୍ୟ୍ୟନ୍ତ ପାରଲାଖେମୁଣ୍ଡିରେ ୧୪ ଜଣଙ୍କୁ ଜେରା କରିଛି । ଗତ ବୁଧବାର ସୌମ୍ୟଙ୍କ ପରିବାରକୁ ପଚରାଉଚୁରା ପରେ ଗୁରୁବାର ବିଦ୍ୟାଭାରତୀଙ୍କୁ ତାଙ୍କ ବାପାଘର ମୟୂରଭଞ୍ଜ ଜିଲ୍ଲା କପ୍ତିପଦା ଗୌଡ଼ଗାଁରେ ମାରାଥନ ଜେରା କରାଯାଇଛି । ତେବେ ଏହି ଭିତରେ ରାତ୍ରି ଜଗୁଆଳିଙ୍କ ଚାଞ୍ଚଲ୍ୟ ବୟାନ ସାମ୍ନାକୁ ଆସିଛି। ରାତ୍ରି ଜଗୁଆଳି ଗଙ୍ଗା ପ୍ରଧାନ ଡିଏଫ ଓ କାର୍ୟ୍ୟାଳୟର ଗତ ଡ଼ିସେମ୍ବର ମାସ ପର୍ୟ୍ୟନ୍ତ କାର୍ୟ୍ୟ କରିଆସୁଥିଲେ। ରାତ୍ରି ଜଗୁଆଳି ଡ୍ୟୁଟି କରୁଥିବା ସମୟରେ ଦିନେ ଡିଏଫଓ ଓ ଏସିଏଫ୍ ସୋମ୍ୟରଞ୍ଜନଙ୍କ ସରକାରୀ ବାସଭବନକୁ ରାତ୍ର ସମୟ ପ୍ରାୟ ସାଢ଼େ ବାରଟା ବେଳେ ଯାଉଥିବା ନିଜେ ଦେଖିଥିବା ଗଣମାଧ୍ୟମ ଆଗରେ କହିଛନ୍ତି। ତେବେ କେଉଁ ପରିସ୍ଥିତିରେ ଏପରି ଏକ ତଥ୍ୟ ପ୍ରକାଶ କରିଛନ୍ତି ତାହା ପରବର୍ତ୍ତୀ ସମୟରେ ସ୍ପଷ୍ଟ ହେବ। କିନ୍ତୁ ବର୍ତ୍ତମାନ ଏହି ତଥ୍ୟ ସାମ୍ନାକୁ ଆସିବା ପରେ ନିଶ୍ଚିତ ରୂପେ ତଦନ୍ତକୁ ନୂଆ ରୂପ ଦେଇଛି। କ୍ରାଇମବ୍ରାଞ୍ଚ ମଧ୍ୟ ଅଧିକ ତଥ୍ୟ ପାଇଁ ତଦନ୍ତ ପରିସରଭୁକ୍ତ କରି ଆଗାମୀ ଦିନରେ ଗଙ୍ଗାଙ୍କ ବୟାନ ରେକର୍ଡ କରିପାରେ ବୋଲି ଜଣାପଡିଛି। ଉଲ୍ଲେଖ ଯୋଗ୍ୟ ଯେ, ଗତ ଜୁଲାଇ ୧୨ ତାରିଖରେ ସରକାରୀ ବାସଭବନରେ ସୌମ୍ୟଙ୍କ ଦେହରେ ନିଆଁ ଲାଗିଥିଲା । କଟକସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ପରେ ସୌମ୍ୟଙ୍କ ଦେହରେ ନିଆଁ ଲାଗିବାକୁ ନେଇ ପରିବାର ଲୋକେ ସନ୍ଦେହ କରିଥିଲେ । ତାଙ୍କ ପୁଅକୁ ବୋହୂ ବିଦାଭାରତୀ ଓ ପାରଳାଖେମୁଣ୍ଡି ଡିଏଫ୍ଓ ଷଡ଼ଯନ୍ତ୍ର କରି ମାରିଥିବା ସେମାନେ ଅଭିଯୋଗ କରିଥିଲେ । ପାରଳାଖେମୁଣ୍ଡି ପୁଲିସ ଦ୍ୱାରା ମାମଲାର ତଦନ୍ତ ଠିକ୍ ଭାବେ ହୋଇ ପାରିନଥିଲା । ଏହାପରେ ମାମଲା କ୍ରାଇମବ୍ରାଞ୍ଚ୍ ନେଇଛି । ତେଣୁ ଏହି ମାମଲାର ଉଚ୍ଚସ୍ତରୀୟ ତଦନ୍ତ ପାଇଁ ମାନବାଧିକାର କର୍ମୀ ସୁବ୍ରତ ଦାସ ଏନ୍ଏଚ୍ଆର୍ସିରେ ଗତ ୩ ତାରିଖରେ ଅଭିଯୋଗ କରିଥିଲେ ।
ସାମ୍ନାକୁ ଆସିଚି ଆଉ ଏକ ନୂଆ ତଥ୍ୟ, ରାତିରେ ସୌମ୍ୟଙ୍କ ଘରକୁ ଯାଉଥିଲେ ଡିଏଫଓ
