ଭୁବନେଶ୍ୱର, (ବାଘୁଆବାର୍ତ୍ତା): ପ୍ରଥମେ ଘର ନିକଟରେ ବୁଲାବୁଲି କଲା ଲୁଟେରେ। ଏପଟେ ସେପଟ ଚାହିଁଲା ମହିଳା ଜଣଙ୍କ ତୁଳସୀ ଚଉରା ମୂଳେ ପୂଜା କରୁଥିବା ବେଳେ ତାଙ୍କ ବେକରୁ ଚେନ୍ ଛିଣ୍ଡାଇ ନେଇ ଚମ୍ପଟ ମାରିଲା। ଏପରି ଘଟଣା ରାଜଧାନୀ ଘଟିଛି ଭୁବନେଶ୍ୱରରେ। ସିସିଟିଭିରେ ଏହି ଦୃଶ୍ୟ କଏଦ ହୋଇଛି। ଗତ ସୋମବାର ଦିନ ନୟାପଲ୍ଲୀ ଥାନା ଅନ୍ତର୍ଗତ ଆଇଆରସି ଭିଲେଜରେ ରହୁଥିବା ଜଣେ ମହିଳା ନିଜଘର କ୍ୟାମ୍ପସ ଭିତରେ ତଳସୀ ଚଉରା ମୂଳେ ପୂଜା କରୁଥିଲେ। ଲୁଟେରା ଜଣଙ୍କ ପ୍ରଥମେ ଆସି ଗେଟ୍ ବାହାରେ ଏପଟ ସେପଟ କରି ଚାରିଆଡ଼କୁ ଅନାଇଥିଲା। ପରେ ସୁଯୋଗ ମିଳିବା କ୍ଷଣି ଗେଟ୍ ଦେଇ ବାହାର ପଟୁ ହାତ ବଢ଼ାଇ ମହିଳାଙ୍କ ବେକରୁ ଚେନ୍ ଝାମ୍ପିନେଇ ଚାଲିଗଲା। ଘର ନିକଟରେ ଲାଗିଥିବା ସିସିଟିଭିରେ ଏହି ଦୃଶ୍ୟ କଏଦ ହୋଇଛି। ଏନେଇ ମହିଳାଙ୍କ ପରିବାର ଲୋକ ନୟାପଲ୍ଲୀରେ ଥାନାରେ ଅଭିଯୋଗ କରିଛନ୍ତି। ପୁଲିସ ସିସିଟିଭି ଆଧାର କରି ଘଟଣାର ତଦନ୍ତ କରୁଛି। ରାଜଧାନୀ ଭୁବନେଶ୍ୱରରେ ଲୁଟେରାମାନେ ଦିନ ଦି’ପହରରେ ଲୁଟ୍ କରି କମିଶନରେଟ୍ ପୁଲିସକୁ ଖୋଲା ଚ୍ୟାଲେଞ୍ଜ ଦେଉଛନ୍ତି।





