କେନ୍ଦ୍ରାପଡ଼ା, (ବାଘୁଆବାର୍ତ୍ତା): କେନ୍ଦ୍ରାପଡ଼ା ଜିଲ୍ଲା ଶ୍ରମ ଅଧିକାରୀଙ୍କ କାର୍ୟ୍ୟାଳୟରେ ପଶି ଜିଲ୍ଲା ଶ୍ରମ ଅଧିକାରୀଙ୍କୁ ମାଡ଼ ମାରିବା ଅଭିଯୋଗରେ ସଦର ପୁଲିସ ୬ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ବୁଧବାର ଅପରାହ୍ନରେ ଶ୍ରମ ଅଧିକାରୀ ଓ ଶ୍ରମିକ ନେତାମାନଙ୍କ ମଧ୍ୟରେ ବିବାଦ ଦେଖା ଦେଇଥିଲା। ଶ୍ରମ କାର୍ୟ୍ୟାଳୟ ଖୋଲିବା ପରେ କୌଣସି କାମରେ ଆସିଥିବା ଶ୍ରମିକ ନେତା କାଞ୍ଚନବାଳା ସ୍ବାଇଁ ଏବଂ ଶ୍ରମ ଅଧିକାରୀ ହରପ୍ରିୟା ନାୟକଙ୍କ ମଧ୍ୟରେ ପୂର୍ବ କଥାକୁ ନେଇ ବଚସା ହୋଇଥିଲା। ପରେ ଉଭୟଙ୍କ ମଧ୍ୟରେ କଥା କଟାକଟି ହେବା ସହ ବିବାଦ ବଢି ଯାଇଥିଲା। ତେବେ ପରିସ୍ଥିତି ଅଣାୟତ ହେବା ପୂର୍ବରୁ ଉପ ଜିଲ୍ଲାପାଳ ଏବଂ ଅନ୍ୟ ବରିଷ୍ଠ ଅଧିକାରୀ ଘଟଣାରେ ହସ୍ତକ୍ଷେପ କରି ପରିସ୍ଥିତିକୁ ଶାନ୍ତ କରିଥିଲେ।ଜିଲ୍ଲା ଶ୍ରମ ଅଧିକାରୀ ଶ୍ରମିକ ନେତାଙ୍କୁ ମାଡ଼ ମାରିଥିବା ଅଭିଯୋଗ ହୋଇଥିବା ବେଳେ ଶ୍ରମିକ ନେତା ମାନେ ଏକଜୁଟ ହୋଇ ଶ୍ରମ ଅଧିକାରୀ ହରପ୍ରିୟା ନାୟକଙ୍କୁ ଆକ୍ରମଣ କରିଥିବା ଡିଭିଜନାଲ ଲେବର କମିଶନ ମହେଶ୍ବର ନାୟକ ଅଭିଯୋଗ କରିଛନ୍ତି।





