ମୁନିଗୁଡ଼ା, (ବାଘୁଆବାର୍ତ୍ତା): ରାୟଗଡ଼ା ଜିଲ୍ଲା ବିଷମ କଟକ ପୁଲିସକୁ ବଡ଼ ସଫଳତା। ଓଡବା ଠାରୁ ମହାରାଷ୍ଟ୍ରକୁ ଯାଉଥିବା ଗଞ୍ଜେଇ ବୋଝେଇ କାର ସହ ୨ ଗଞ୍ଜେଇ ମାଫିଆ ଗିରଫ। ସ୍ଥାନୀୟ ଖ୍ରୀଷ୍ଟିଆନ ହସ୍ପିଟାଲ ଛକରେ ବିଷମ କଟକ ପୋଲିସ ନାକାବନ୍ଦୀ କରି ଚେକିଂ କରୁଥିଲା। ଏହି ସମୟରେ ଏକ ମାରୁତି ସୁଇପ୍ଟ କାରକୁ ପୋଲିସ ସନ୍ଦେହ କରି ଅଟକାଇବାରୁ ଗାଡିଟି ଦ୍ରୁତ ଗତିରେ ଚାଲିଯାଇଥିଲା। ପୋଲିସ ଗୋଡାଇ ଗୋଡାଇ ଚାଞ୍ଚରାଗୁଡା ଗ୍ରାମ ନିକଟରେ ଗାଡିଟିକୁ ଅଟକାଇବାରେ ସଫଳ ହୋଇଥିଲା। ଗାଡିଟିକୁ ଯାଞ୍ଚ୍ କରିବାରୁ ଗାଡି ଡିକି ଏବଂ ସିଟ୍ ତଳୁ ଗଞ୍ଜେଇ ଠାବ ହୋଇଛି। ପ୍ରାୟ ୧୫୦ କେ.ଜି ୭୮୦ ଗ୍ରାମର ଗଞ୍ଜେଇ ଜବତ ହୋଇଛି। ଏହା ସହ ୨ ଜଣ ମାଫିଆଙ୍କୁ ଗିରଫ କରି ପୋଲିସ ପଚରାଉଚୁରା କରୁଛି। ତେବେ ଗଞ୍ଜେଇ ଚୋରା ଚାଲାଣ କରୁଥିବା ମାଫିଆମାନେ ହେଉଛନ୍ତି ମହାରାଷ୍ଟ୍ର ଧୁଲେଇ ଜିଲ୍ଲାର ରାହୁଲ୍ କସବ୍ ଏବଂ ସୁରେସ୍ ୟୁବ୍ରାଜ ନକୁମ୍ବ। ସଂପୃକ୍ତ ଯୁବକମାନଙ୍କ ଠାରୁ ଦୁଇଟି ମୋବାଲଇ ଫୋନ୍, ନଗଦ ୫ ହଜାର ଟଙ୍କା ଜବତ କରାଯାଇଛି। ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ୭ ଲକ୍ଷ ୫୦ ହଜାର ଟଙ୍କା ହେବ ବୋଲି ପୋଲିସ ସୂଚନା ଦେଇଛି ।





