Sunday, November 22, 2026
ବାଘୁଆବାର୍ତ୍ତା
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
 
WhatsApp chat
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
No Result
View All Result
ବାଘୁଆବାର୍ତ୍ତା

ନକଲି ଏସ୍କର୍ଟ ସର୍ଭିସ୍‌ ଗ୍ୟାଙ୍ଗର ମାଷ୍ଟରମାଇଣ୍ଡ ଓ ଜଣେ ଯୁବତୀଙ୍କ ସହ ୫ ଗିରଫ

by ସଞ୍ଜୟ ସ୍ୱାଇଁ
October 7, 2022
in Crime, State
ନକଲି ଏସ୍କର୍ଟ ସର୍ଭିସ୍‌ ଗ୍ୟାଙ୍ଗର ମାଷ୍ଟରମାଇଣ୍ଡ ଓ ଜଣେ ଯୁବତୀଙ୍କ ସହ ୫ ଗିରଫ
101
VIEWS
Share on FacebookShare on Twitter

ଭୁବନେଶ୍ୱର, (ବାଘୁଆବାର୍ତ୍ତା): ଏସ୍କର୍ଟ ସର୍ଭିସର ବିଜ୍ଞାପନ ଦେଉଥିଲେ । କିନ୍ତୁ ସୁନ୍ଦରୀ ତରୁଣୀଙ୍କ ଫଟୋ ଦେଖାଇ ଟଙ୍କା ଆଦାୟ କରିଦେଇ ଫୁର୍‌ ହୋଇଯାଉଥିଲେ । କମିଶନରେଟ୍‌ ପୁଲିସ ସ୍ପେଶାଲ ସ୍କ୍ୱାଡ୍‌ ସହ ସାଇବର ଓ ଅର୍ଥନୈତିକ ଅପରାଧ ଥାନା ଏମିତି ଏକ ନକଲି ଏସ୍କର୍ଟ ସର୍ଭିସ୍‌ ଚଳାଉଥିବା ଗ୍ୟାଙ୍ଗକୁ କାବୁ କରିଛି । ଗ୍ୟାଙ୍ଗର ମାଷ୍ଟରମାଇଣ୍ଡ ଓ ଜଣେ ଯୁବତୀଙ୍କ ସହ ୫ଜଣଙ୍କୁ ଗିରଫ କରିଛି । ଏମାନଙ୍କଠୁ ୧୧ ମୋବାଇଲ୍‌ ଫୋନ୍‌, ୨୩ ଏଟିଏମ୍‌ କାର୍ଡ, ୭୦ଟି ପ୍ରିଆକ୍ଟିଭ୍‌ ସିମ୍‌କାର୍ଡ ଓ ୮୬,୫୦୦ ଟଙ୍କା ଜବତ କରାଯାଇଛି । ଅଭିଯୁକ୍ତମାନେ ହେଲେ ସୁନ୍ଦରପଦା ଅର୍ଚିଡ୍‌ ରେସିଡେନ୍ସିରେ ରହୁଥିବା ସୁଶାନ୍ତ ପାତ୍ର ଓରଫ୍‌ ବାବୁ । ଯିଏକି ଗ୍ୟାଙ୍ଗର ମାଷ୍ଟରମାଇଣ୍ଡ । ସୁଶାନ୍ତର ଘନିଷ୍ଠ ସହଯୋଗୀ ତଥା ଖୋର୍ଦ୍ଧା ସଦର ବାସିନ୍ଦା ସଦାଶିବ ସେଠୀ । ବାଲିପାଟଣାର ଜଗନ୍ନାଥ ବରାଳ ଓ ବଳଙ୍ଗା ଗଡ଼ସାହିର ଉପମନ୍ୟୁ ବରାଳ । ବଡ଼ କଥା ହେଲା, ଖୋର୍ଦ୍ଧା ବାଣପୁରର ସସ୍ମିତା ଜେନା (କଣ୍ଢେଇ) ନାମ୍ନୀ ଯୁବତୀଙ୍କୁ ମଧ୍ୟ ପୁଲିସ ଗିରଫ କରିଛି । ଏସ୍‌କର୍ଟ ସର୍ଭିସ୍‌ ଖୋଜୁଥିବା ଲୋକଙ୍କୁ ନାନା ପ୍ରଲୋଭନ ଦେଖାଇ ଜାଲରେ ଫସାଇବା ହେଉଛି କଣ୍ଢେଇର ଦାୟିତ୍ୱ । ପୁଲିସ କହିଛି, ମାଷ୍ଟରମାଇଣ୍ଡ ସୁଶାନ୍ତ ଡାକ ବିଭାଗରେ କାମ କରୁଥିଲା । ସେଠାରେ ଉପଭୋକ୍ତାଙ୍କ ଆଧାରକାର୍ଡ ଚୋରାଇ ନକଲି ବ୍ୟାଙ୍କ ଆକାଉଣ୍ଟ ଖୋଲୁଥିଲା । ପାତ୍ରପଡ଼ାର ଜଣେ ଲୋକଙ୍କୁ ପ୍ରାୟ ବର୍ଷେ ଧରି ଏମାନେ ଏସ୍‌କର୍ଟ ସର୍ଭିସ୍‌ ଜାଲରେ ପକାଇଥିଲେ । ଏହି ଗ୍ୟାଙ୍ଗ ଦ୍ୱାରା ଠକେଇର ଶିକାର ହୋଇଥିବା ନେଇ ଏଯାବତ୍‌ ୧୦ଜଣ ପୁଲିସରେ ଅଭିଯୋଗ କରିସାରିଲେଣି । କେମିତି ଠକୁଥିଲେ ? – ବିବେକାନନ୍ଦ ଜେନାଙ୍କ ଅଭିଯୋଗକ୍ରମେ, ସେ ଗତ ମାସ ୧୮ ତାରିଖରେ ଏସ୍‌କର୍ଟ ସର୍ଭିସ ପାଇଁ ଅନ୍‌ଲାଇନରେ ଖୋଜୁଥିଲେ । ସେଥିରୁ ‘୭୬୫୫୦୭୦୬୩୨’ ନମ୍ବରରେ ଯୋଗାଯୋଗ କରିଥିଲେ । ରେଜିଷ୍ଟ୍ରେସନ ପାଇଁ ତାଙ୍କୁ ୧୫୦୦ ଟଙ୍କା ଦେବାକୁ କୁହାଯାଇଥିଲା । ଏସ୍କର୍ଟ ଭାବେ ଯୁବତୀ ଚୟନ ପାଇଁ କିଛି ଫଟୋ ବିବେକାନନ୍ଦଙ୍କୁ ପଠାଇଥିଲେ । ଯେଉଁଥିରେ ବିଭିନ୍ନ ଯୁବତୀଙ୍କ ଫଟୋ ରହିବା ସହ ଭଡ଼ା (ସର୍ଭିସ୍‌ ଚାର୍ଜ) ଲେଖାଯାଇଥିଲା । ବିବେକାନନ୍ଦ ଯୁବତୀ ଚୟନ କରିବା ପରେ ଗୋଟାଏ ରାତି ପାଇଁ ୫ ହଜାର ଟଙ୍କା ହିସାବରେ ୨ ଦିନକୁ ୧୦ହଜାର ଟଙ୍କା ମାଗିଥିଲେ । ଯୁବତୀଜଣକ ଗାଡି଼ରେ ଯିବା ପାଇଁ ୩ ହଜାର ଟଙ୍କା ଓ ମାଷ୍ଟରକ୍ୟାଣ୍ଟିନ୍‌ ହୋଟେଲରେ ଏକ ରୁମ୍‌ ବୁକ ପାଇଁ ୧୨ ହଜାର ଟଙ୍କା ଡିମାଣ୍ଡ କରିଥିଲେ । ସର୍ବମୋଟ ୨୫ ହଜାର ଟଙ୍କାରୁ ବିବେକାନନ୍ଦ ଅନ୍‌ଲାଇନ୍‌ ପେମେଣ୍ଟରେ ମୋଟ ୨୨ ହଜାର ୫୦୦ ଟଙ୍କା ସାଇବର ଠକଙ୍କୁ ପଠାଇ ଦେଇଥିଲେ । ମାଷ୍ଟର କ୍ୟାଣ୍ଟିନର ଉକ୍ତ ହୋଟେଲରେ ପହଞ୍ଚିବା ପରେ ବିବେକାନନ୍ଦଙ୍କୁ କେହି ଭେଟି ନଥିଲେ କି ଠକଙ୍କ ମୋବାଇଲ୍‌ ନମ୍ବରରେ ଯୋଗାଯୋଗ ସମ୍ଭବ ହୋଇ ପାରିନଥିଲା । ଠକାମିର ଶିକାର ସତ୍ତେ୍ୱ ଲୋକଲଜ୍ଜାରେ ବିବେକାନନ୍ଦ କାହାରିକୁ କିଛି କହିନଥିଲେ । ଶେଷରେ ଜଣେ ବନ୍ଧୁଙ୍କ ପରାମର୍ଶକ୍ରମେ ସେ ସାଇବର ଥାନାରେ ଅଭିଯୋଗ କରିଥିଲେ । ପୂର୍ବରୁ ପୁଲିସକୁ ଜଣାଇଥିଲେ ମୁଖ୍ୟ ଅଭିଯୁକ୍ତଙ୍କ ସ୍ତ୍ରୀ – ମୁଖ୍ୟ ଅଭିଯୁକ୍ତ ସୁଶାନ୍ତଙ୍କ ସ୍ତ୍ରୀ ଗତ ମେ’ ୨୪ ତାରିଖରେ ଡିସିପି ଅଫିସ୍‌ ଯାଇଥିଲେ । ପୂର୍ବରୁ ଖଣ୍ଡଗିରି ଥାନା ଓ ମହିଳା ଥାନାକୁ ମଧ୍ୟ ଯାଇଥିଲେ । ଏସ୍‌କର୍ଟ ସର୍ଭିସ୍‌ରେ ବିଜ୍ଞାପନ ଦେଇ ତାଙ୍କ ସ୍ୱାମୀ ଲୋକଙ୍କୁ ଚୂନ ଲଗାଉଥିବା ନେଇ ସେ ପୁଲିସକୁ ଅଭିଯୋଗ କରିଥିଲେ । କିନ୍ତୁ ପାରିବାରିକ କଳହ କାରଣ ଦର୍ଶାଇ ପୁଲିସ୍‌ ଏହି ଅଭିଯୋଗକୁ ହେୟ ଜ୍ଞାନ କରିଥିଲା । ଏବେ ପୁଲିସ କହୁଛି, ସୁଶାନ୍ତର ସ୍ତ୍ରୀ ମଧ୍ୟ ସେ ଗ୍ୟାଙ୍ଗରେ ସମ୍ପୃକ୍ତ । ସେ କଣ୍ଢେଇଙ୍କ ଭଳି ଗ୍ୟାଙ୍ଗରେ କାମ କରୁଥିବା ଯୁବତୀଙ୍କ ରହିବା, ଖାଇବା ପିଇବା କଥା ବୁଝେ । ସେମାନେ କେମିତି ଶିକାର ଖୋଜିବେ, ଲୋକଙ୍କୁ ଏସ୍‌କର୍ଟ ଜାଲରେ ଫସାଇବେ? ସୁଶାନ୍ତଙ୍କ ସ୍ତ୍ରୀ ଏନେଇ ସେମାନଙ୍କୁ ତାଲିମ୍‌ ଦେଉଥିଲେ । ପ୍ରି-ଆକ୍ଟିଭ ସିମ୍‌ ଯୋଗାଉଥିଲେ ୨ ଦଲାଲ୍‌ – ପୁଲିସ ହାବୁଡ଼ରେ ନ ପଡି଼ବାକୁ ଏମାନେ ସାଇବର ଠକ (ଜାମତରା ଗ୍ୟାଙ୍ଗ)ଙ୍କ ଭଳି ପ୍ରି-ଆକ୍ଟିଭ ସିମ୍‌ ବ୍ୟବହାର କରୁଥିଲେ । ଏଭଳି ବେନାମୀ ସିମ୍‌ ଯୋଗାଇବା ଜଗନ୍ନାଥ ଓ ଉପମନ୍ୟୁଙ୍କ ଦାୟିତ୍ୱ ଥିଲା । ପୁଲିସ ଏବେ ଅନ୍ୟ ସହଯୋଗୀଙ୍କୁ ଖୋଜୁଛି ।

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

August 30, 2026
ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

August 30, 2026
ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

June 22, 2026
ବିଶ୍ୱ ଶିଶୁ ଶ୍ରମ ନିଷେଧ ଦିବସ

ବିଶ୍ୱ ଶିଶୁ ଶ୍ରମ ନିଷେଧ ଦିବସ

June 12, 2026
ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

June 7, 2026

© 2025 Baghuabarta. Designed & Developed by WebHunk International

No Result
View All Result
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
WhatsApp chat
error: Content is protected !!