ଗଞ୍ଜାମ, (ବାଘୁଆବାର୍ତ୍ତା): ଗଞ୍ଜାମ ଜିଲ୍ଲା ବ୍ରହ୍ମପୁର ଖାରବେଳ ନଗରରେ ଧରପଡ଼ିଲା ଜୁଆ ଆଡ୍ଡା। ସଦର ଥାନା ପୁଲିସ ୧୦ଜଣଙ୍କୁ ଗିରଫ କରିଥିବା ବେଳେ ୪ଲକ୍ଷ ୨୫ ହଜାର ଟଙ୍କା ଜବତ କରିଛି। ଆଜି ସନ୍ଧ୍ୟାରେ ଖାରବେଳ ନଗରରେ ଜୁଆ ଆଡା ଚାଲିଥିବା ସୂଚନା ପାଇ ପୁଲିସ ଚଢ଼ାଉ କରିଥିଲା। ୧୦ ଜଣ ଧରାପଡିଥିବା ବେଳେ ଆଉ କିଛି ଚମ୍ପଟ ମାରିଥିଲେ। ଦଶହରା ଆସିଲେ ଗଂଜାମ ଜିଲ୍ଲାରେ ପରମ୍ପରା ନାଁରେ ଚାରିଆଡେ ଜୁଆଖେଳ ଚାଲେ ବୋଲି ଦେଖିବାକୁ ମିଳେ। କିଛି ଅପରାଧିକ ଶ୍ରେଣୀର ଯୁବକ ମାନେ ଜୁଆ ଆଡ୍ଡା ଚଳାଇଥାନ୍ତି। ଲକ୍ଷ ଲକ୍ଷ ଟଙ୍କା ବାଜି ଲାଗେ। ଏହା ପୂର୍ବରୁ ବୈଦ୍ୟନାଥପୁର ଥାନା ପୁଲିସ ଆଙ୍କୁଲି ଜୁଆ ଆଡ୍ଡ଼ାରେ ଚଢ଼ାଉ କରି ୫ଲକ୍ଷ ଟଙ୍କା ଜବତ କରିଥିଲା।





