ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ ଅନିୟମିତତା କାରଣରୁ ଜିଲ୍ଲାପାଳ ଡ. ପୋମା ଟୁଡୁ ଦୁଇ ଜଣ ସରକାରୀ କର୍ମଚାରୀଙ୍କୁ କାର୍ୟ୍ୟରୁ ନିଲମ୍ବନ କରିଥିବା ସୂଚନା ମିଳିଛି । ଭାପୁର ବ୍ଲକରେ ମନରେଗା ଦୁର୍ନିତୀରେ ସମ୍ପୃକ୍ତି ଥିବା ସେସ୍କନ ଅଫିସର ଜଗଦ୍ଦିଶ ଚନ୍ଦ୍ର ସେଠୀଙ୍କୁ ନିଲମ୍ବନ କରାଯାଇଛି । ପୂର୍ବରୁ ତାଙ୍କଠାରୁ ଅର୍ଥ ଭରଣା କରାଯିବା ପାଇଁ ନିର୍ଦ୍ଦେଶ ରହିଥିଲା । ତାଙ୍କଠାରୁ ୬ ଲକ୍ଷ ୪୧ ହଜାର ୬୦ ଟଙ୍କା ଭରଣା କରାଯିବାକୁ ନିର୍ଦ୍ଦେଶ ରହିଥିବା ବେଳେ ତାଙ୍କ ବିରୁଦ୍ଧରେ ଥାନାରେ ଏତଲା ଦେବାକୁ ବିଡିଓଙ୍କୁ ନିର୍ଦ୍ଦେଶ ଦିଆଯାଇଥିଲା । ସେ ଏବେ ଖଣ୍ଡପଡ଼ା ବ୍ଲକରେ କାର୍ୟ୍ୟ କରୁଥିଲେ । ସେହିଭଳି ଭାବେ ଜିଲ୍ଲା ପରିଷଦର କନିଷ୍ଠ ରାଜସ୍ୱ କିରାଣୀ ଅରୁଣ କୁମାର ସେଠୀଙ୍କୁ କାର୍ୟ୍ୟରୁ ନିଲମ୍ବନ କରାଯାଇଛି । ଜିଲ୍ଲାପାଳ ତାଙ୍କୁ ନିଲମ୍ବନ କରିଥିବା ଜଣାଯାଇଛି । ସେ ରଣପୁର ତହସିଲରେ କାର୍ୟ୍ୟ କରୁଥିବା ସମୟରେ ବହୁ ଅନିୟମିତତାରେ ସମ୍ପୃକ୍ତ ରହିଥିଲେ । ନିଲମ୍ବନ ସମ୍ପର୍କରେ ଜିଲ୍ଲା ପରିଷଦ କାର୍ୟ୍ୟ ନିର୍ବାହୀ ଅଧିକାରୀ ସୁବାଷ ଚନ୍ଦ୍ର ରାୟ ସୂଚନା ଦେଇଛନ୍ତି ।





