ମାଲକାନଗିରି, (ବାଘୁଆବାର୍ତ୍ତା): ଲାଲ୍ ବାହିନୀଙ୍କ ଲଙ୍କାକାଣ୍ଡ। ମାଲକାନଗିରି-ଛତିଶଗଡ଼ ସୀମାନ୍ତ ବିଜାପୁର ଜିଲ୍ଲାରେ ଲ୍ୟାଣ୍ଡମାଇନ୍ ବିସ୍ଫୋରଣ । ଦୁଇ ସି.ଏ.ଏଫ୍ ଯବାନ ଆହତ। ଘଟଣାସ୍ଥଳରୁ ହେଲିକପ୍ଟର ଯୋଗେ ଆହତ ଯବାନଙ୍କୁ ଏୟାରଲିପ୍ଟ କରାଯାଇ ଦନ୍ତେୱାଡା ମେଡିକାଲକୁ ସ୍ଥାନାନ୍ତର କରାଯାଇଛି। ଘଟଣାସ୍ଥଳରେ ସୁରକ୍ଷାବାହିନୀ ପକ୍ଷରୁ ଜୋରଦାର୍ କୁମ୍ଵିଂ ଅପରେସନ କରାଯାଇଛି। ସୂଚନାନୁଯାୟୀ, ବିଜାପୁର ଜିଲ୍ଲା ନେଲସାର ଥାନାରେ ନିୟଜିତ ଥିବା ସି.ଏ.ଏଫ ଅଷ୍ଟମ ବାଟାଲିୟନର ଯବାନମାନେ ରାସ୍ତା ନିର୍ମାଣ କାର୍ୟ୍ୟରେ ସୁରକ୍ଷା ଦେବା ଲାଗି ଯାଉଥିଲେ। ଏହି ସମୟରେ ହଠାତ୍ ବିସ୍ଫୋରଣ ହୋଇଛି । ଯବାନଙ୍କୁ ଆସିବା ଦେଖି ନକ୍ସଲମାନେ ସେଠାରେ ପୂର୍ବରୁ ଲଗାଇଥିବା ଲ୍ୟାଣ୍ଡ୍ମାଇନକୁ ବିସ୍ଫୋରଣ କରିଥିଲେ । ଏଥିରେ ୨ ଯବାନ ଆହତ ହୋଇଛନ୍ତି। ସେମାନଙ୍କୁ ହେଲିକପ୍ଟର ଯୋଗେ ଏୟାରଲିପ୍ଟ କରାଯାଇ ଦନ୍ତେୱାଡା ମେଡିକାଲକୁ ସ୍ଥାନାନ୍ତର କରାଯାଇଛି। ଘଟଣା ପରେ ସଂପୃକ୍ତ ଅଞ୍ଚଳରେ କୁମ୍ଵିଂ ଅପରେସନ ଜୋରଦାର୍ କରାଯାଇଛି।
ବିଜାପୁରରେ ଲାଲ୍ ବାହିନୀଙ୍କ ଲ୍ୟାଣ୍ଡମାଇନ୍ ବିସ୍ଫୋରଣରେ ୨ ସି.ଏ.ଏଫ୍ ଯବାନ ଆହତ
