ବାଣପୁର ସ୍ଥିତ ସାଳିଆ-ଭାଲେରୀ କେନାଲ ବନ୍ଧ ନିକଟରେ ଯୁବକଙ୍କ ମୃତଦେହ

ଟାଙ୍ଗୀ, (ବାଘୁଆବାର୍ତ୍ତା): ଖୋର୍ଦ୍ଧା ଜିଲ୍ଲାର ବାଣପୁର ସ୍ଥିତ ସାଳିଆ-ଭାଲେରୀ କେନାଲ ବନ୍ଧ ନିକଟରେ ପଡ଼ିଛି ଯୁବକଙ୍କ ମୃତଦେହ। ହତ୍ୟାକାଣ୍ଡର କାରଣ ଅସ୍ପଷ୍ଟ । ମୃତକ ଜଣଙ୍କ ହେଉଛନ୍ତି ଖୋର୍ଦ୍ଧା ଜିଲ୍ଲାର ବାଣପୁର ଥାନା ଅଧିନସ୍ଥ ଝିଣ୍ଟିକା-ପଲ୍ଲୀ ଗ୍ରାମର କାହ୍ନୁ ପରିଡ଼ା। କାହ୍ନୁଙ୍କ ଶରୀରର ଅନେକ ସ୍ଥାନରେ କ୍ଷତ ଚିହ୍ନ ରହିଛି । ବାଣପୁର ଥାନା ପକ୍ଷରୁ ଘଟଣାର ଛାନଭିନ୍ ଆରମ୍ଭ ହୋଇଛି । କୈ।ଣସି ଧାରୁଆ ଅସ୍ତ୍ରରେ ଏକାଧିକ ଲୋକ କାହ୍ନୁଙ୍କୁ ହତ୍ୟା କରିଥିବା ପୋଲିସ ପ୍ରାଥମିକ ତଦନ୍ତରୁ ସ୍ପଷ୍ଟ କରିଛି । ଅପର ପକ୍ଷରେ ମୃତକଙ୍କ ପରିବାର ଲୋକ ଘଟଣାସ୍ଥଳରେ ପହଞ୍ଚି ମୃତଦେହ ଚିହ୍ନଟ କରିବା ପରେ ପୋଲିସ ତଦନ୍ତ ଆରମ୍ଭ କରିଛି। ଗତକାଲି ବିଳମ୍ବିତ ରାତ୍ରରେ କାହ୍ନୁ ଏକ ଫୋନ କଲ୍ ପାଇ ଘରୁ ବାହାରି ଆସିଥିଲେ। ହେଲେ ଆଉ ଫେରି ନଥିଲେ। ତାଙ୍କୁ କେହି ଘରୁ ଡାକିନେଇ ହତ୍ୟା କରିଛନ୍ତି ବୋଲି କାହ୍ନୁଙ୍କ ପରିବାର ଲୋକ ଅଭିଯୋଗ କରୁଛନ୍ତି। ସେପଟେ ସାଇଣ୍ଟଫିକ୍ ଟିମ୍ ଆସି ତଦନ୍ତ କରିବା ପରେ ତଦନ୍ତ ପ୍ରକ୍ରିୟା ଜୋରଦାର କରାଯିବ ବୋଲି ଥାନା ନିରୀକ୍ଷକ କହିଛନ୍ତି । ଶବ ବ୍ୟବଚ୍ଛେଦ ପରେ ପୋଲିସ ହତ୍ୟାକାରୀ ଧରିବାରେ ସଫଳ ହେବ ବୋଲି ବାଲୁଗାଁ ଏସଡିପିଓ ମାନସ ରଞ୍ଜନ ବାରିକ ସୂଚନା ଦେଇଛନ୍ତି ।