ଆଠଗଡ, (ବାଘୁଆବାର୍ତ୍ତା): ଅବକାରୀ ବିଭାଗ ପକ୍ଷରୁ ଚୋରା ଦେଶୀ ମଦଭାଟି ଉପରେ ଚଢାଉ କରାଯାଇ ପୋଚ ନଷ୍ଟ କରାଯିବା ସହ ମଦ ଭାଟିରେ ନିଆଁ ଲଗାଇଦିଆଯାଇଛି । କଟକ ଜିଲ୍ଲା ତିଗିରିଆ ଥାନା ଅନ୍ତର୍ଗତ କରଡାପଲ୍ଲୀ ଅଞ୍ଚଳରେ ଦୀର୍ଘଦିନ ହେବ ଚୋରା ଦେଶୀମଦ ଭାଟି ଚାଲୁଛି । ଗତ କିଛି ଦିନ ତଳେ ଏହି କରଡାପଲ୍ଲି ଅଞ୍ଚଳରେ ଅବକାରୀ ବିଭାଗ ଚଢାଉ ସମୟରେ ବୋତଲ ବୋମା ମାଡକରିଥିଲେ ଅଭିଯୁକ୍ତ । କିଛି ଦିନ ନ ଯାଉଣୁ ପୁଣି ସେଠାରେ ଚାଲିଥିଲା ବିସ୍ତିର୍ଣ୍ଣ ଅଞ୍ଚଳରେ ମଦ ରନ୍ଧା । କଟକ ଫ୍ଲାଇଂ ସ୍ବାର୍ଡ , ଆଠଗଡ ଅବକାରୀ ବିଭାଗ ସହ ପୋଲିସ ଓ ମାଜିଷ୍ଟେଟଙ୍କ ଉପସ୍ଥିତରେ ରେଡ କରାଯାଇ ହଜାର ହଜାର ଲିଟର ମଦପୋଚ ନଷ୍ଟ କରିବା ସହ ବିପୁଳ ପରିମାଣର ଦେଶୀ ରନ୍ଧା ମଦ ଜବତ କରିଛନ୍ତି।
