ଭୁବନେଶ୍ୱର (ବାଘୁଆବାର୍ତ୍ତା): କରୋନା ମହାମାରୀ ପୁରା ଦେଶର ସ୍ଥିତି ଖରାପ କରିଛି । ହସ୍ପିଟାଲ ବେଡ ଓ ଔଷଧ ଖୁବ କଷ୍ଟରେ ମିଳୁଛି । କିନ୍ତୁ ଦିଲ୍ଲୀର କିଛି ଲୋକ, ଯାହାଙ୍କୁ କରୋନାର ଡର କିମ୍ବା ଭୟ କିଛି ନାହିଁ । ଏଭଳି ଏକ ମାମଲା ଦିଲ୍ଲୀରେ ରହିଛି । ଯେଉଁଠି ଜଣେ ପ୍ରପଟି ଡିଲର ଅଫିସ ବେସମେଣ୍ଟ ଭିତରେ ଏକ ଅବୈଧ ହୁକ୍କାବାର ଚଲାଇଥିଲେ । ପୁଲିସର ଚଢ଼ାଉ ହୁକ୍କାବାର ଭିତରେ ଅନେକ ଗୁଡ଼ିଏ ଲୋକଙ୍କର ଭିଡ ରହିଥିଲା । ଦିଲ୍ଲୀ ପୁଲିସକୁ ଖବର ମିଳିଥିଲା ଯେ, ପଶ୍ଚିମ ବିହାରରେ ଜଣେ ପ୍ରପଟି ଡିଲରଙ୍କ କାର୍ଯ୍ୟାଳୟରେ ହୁକ୍କାବାର ଚାଲିଥିଲା । ଏହାପରେ ଆଉଟର ଦିଲ୍ଲୀର ଡିସିପି ସବଇନ୍ସପେକ୍ଟର ନବୀନ ମଲିକ, ହେଡ୍ କନେଷ୍ଟବଳ ପ୍ରଦୀପ, କନେଷ୍ଟବଳ ଅମିତ ଓ ବହୁ ପୋଲିସ କର୍ମଚାରୀଙ୍କ ଏକ ଟିମ୍ ଗଠନ କରାଯାଇଥିଲା । ଏହି ଟିମ ପଶ୍ଚିମ ବିହାରର ହୁକ୍କାବାରରେ ରେଡ କରିଥିଲା । ଚଢ଼ାଉ ବେଳେ ପୁଲିସ ସେଠାରେ ସ୍ଥିତି ଦେଖି ନିଜେ ମଧ୍ୟ ଭୟଭୀତ ହୋଇପଡ଼ିଥିଲା । କାରଣ କରୋନା କାଳରେ ଯେଉଁଠି ସାମାଜିକ ଦୂରତ୍ୱ ରକ୍ଷା କରିବାକୁ କୁହାଯାଉଛି ସେଠାରେ ହୁକ୍କାବାର ଭିତରେ ଅନେକ ଗୁଡ଼ିଏ ଲୋକ ଥିଲେ । ପୁଲିସ ୧୭ ଜଣଙ୍କୁ ଗିରଫ କରିଛି । ସେଠାରୁ ବହୁ ପରିମାଣରେ ହୁକ୍କା ଓ ତମାକୁ ପ୍ୟାକେଟ ଉଦ୍ଧାର କରାଯାଇଥିଲା । ପୁଲିସ ମହାମାରୀ ଆକ୍ଟ ଅନୁସାରେ, କାର୍ଯ୍ୟାନୁଷ୍ଠାନ ଗ୍ରହଣ କରିଛି ।
