କୋକସରା, (ବାଘୁଆବାର୍ତ୍ତା): କିଛିଦିନର ବ୍ୟବଧାନ ପରେ କୋକସରା ପୋଲିସ କବଜାରେ ପଡିଛନ୍ତି ୪ ଆନ୍ତଃରାଜ୍ୟ ଗଞ୍ଜେଇ ମାଫିଆ। ସେମାନଙ୍କ ନିକଟରୁ ୩ କୁଇଣ୍ଟାଲ ଗଞ୍ଜେଇ ଜବତ କରିଛି। ଗିରଫ ଅଭିଯୁକ୍ତମାନେ ହେଲେ ଉତ୍ତରପ୍ରଦେଶ ଅଞ୍ଚଳର। ଗଞ୍ଜେଇ ଚୋରା ଚାଲାଣ ହେଉଥିବା ଖବର ପାଇ କୋକସରା ପୋଲିସ ଶନିବାର ଏନଏଚ ୨୬ ର ଆମପାଣିରୁ ମୋଟେର ମଧ୍ୟରେ ଛକି ରହିଥିଲେ । ସେହି ସମୟରେ ଆମପାଣି ପଟୁ ୨ ଟି କାର ଅତି ଦ୍ରୁତ ଗତିରେ ଆସୁଥିବା ଦେଖି ପୋଲିସ ପିଛା କରିଥିଲେ। ତେବେ ଏହା ମଧ୍ୟରୁ ଗୋଟେ ଧଳା ରଙ୍ଗର ମାରୁତି କାର ( ନଂ ଓ ଆର ୦୨ ଏ ୟୁ ୨୩୮୩ )ରେ ଆସୁଥିବା ୨ ଜଣ କୋକସରା ନିକଟସ୍ଥ ଅଲାଗୁଡା ଗ୍ରାମ ନିକଟରେ କାର କୁ ଛାଡି ଫେରାର ହୋଇଯାଇଥିଲେ । ଅନ୍ୟ ଏକ ହୋଣ୍ଡା ସିଟି କାର (ନମ୍ବର ଡି ଏଲ ୪ ସି ଏ ୱବ୍ଲୁ ୪୩୧୩) ପୋଲିସ କୁ ଚକମା ଦେଇଥିଲା । ପରେ ପୋଲିସ ଅଲାଗୁଡାରୁ କାରକୁ ଜବତ କରିବା ସହ ଅଭିଯୁକ୍ତଙ୍କୁ ଧରିବା ପାଇଁ ଏକ ଟିମ କରି ବିଭିନ୍ନ ସ୍ଥାନ ରେ ଛାନଭିନ କରିଥିଲା। ଅଲାଗୁଡାରେ କାର ଛାଡି ଫେରାର ଥିବା ୨ ଜଣଙ୍କୁ ପୋଲିସ ଧରିଥିଲା। ସେମାନଙ୍କ ଠାରୁ ମିଳିଥିବା ତଥ୍ୟ ଅନୁସାରେ ପୁଣି ଅନ୍ୟ ଏକ ଫେରାର ଥିବା କାର ସହ ୨ ଅଭିଯୁକ୍ତ ଙ୍କୁ ମଧ୍ୟ ଧରିବାରେ ସଫଳ ହୋଇଥିଲେ । ତେବେ ମୁଖ୍ୟ ଅଭିଯୁକ୍ତ ଫେରାର ଥିବା ସୁଚନା ମିଳିଛି। ଗିରଫ ୪ ଅଭିଯୁକ୍ତ ହେଲେ ଉତ୍ତରପ୍ରଦେଶ ରାଜ୍ୟ ର ଇଳାହାବାଦ ଅଞ୍ଚଳର । ସେମାନେ ହେଲେ କୂଳଦୀପ ଗୁପ୍ତା(୧୯) ସରୋଜ ସିଂ(୨୪) ରବି ଶଙ୍କର ଚୌହାନ(୨୦) ଅନିଲ କୁମାର ବିନ୍ଦ (୨୪) । ମୁଖ୍ୟ ଅଭିଯୁକ୍ତ ନଦୀମ ଖାଁ (୨୪) ଫେରାର ହୋଇ ଯାଇଛି। ଆନ୍ଧ୍ରପ୍ରଦେଶ ଓ ଓଡିଶା ର ସୀମାନ୍ତ ଅଂଚଳରୁ ୨ ଗୋଟି କାରରେ ଅତି ଚତୁରତା ସହ କାର ମଧ୍ୟରେ ସିକ୍ରେଟ ଚ୍ୟାମ୍ବର କରି ତା’ଭିତରେ ୩ କୁଣ୍ଟାଲ ଗଞ୍ଜେଇ ପ୍ୟାକେଟ ରଖି ଆସୁଥିଲେ। କୌଣସି ସୂତ୍ର ରୁ ଖବର ପାଇ କୋକସରା ପୋଲିସ ଟିମର ମିଳିତ ଉଦ୍ୟମରେ ଏହି ଆନ୍ତଃରାଜ୍ୟ ଚୋରା ଚାଲାଣ ଗଞ୍ଜେଇ ମାଫିଆ ଙ୍କୁ କାବୁ କରିବାରେ ସକ୍ଷମ ହୋଇଥିଲା। ୨ କାରରୁ ଜବତ ହୋଇଥିବା ୩ କୁଣ୍ଟାଲ ଗଞ୍ଜେଇ ର ଆନୁମାନିକ ୧୦ ଲକ୍ଷ ରୁ ଉର୍ଦ୍ଧ୍ବ ହେବ ବୋଳି ଜଣାପଡିଛି । ଏ ନେଇ କୋକସରା ଥାନାରେ ନଂ ୧୫୯/୨୧ ରେ ଏକ ମାମଲା ରୁଜୁ ହୋଇଥିବା ନେଇ ଥାନା ଅଧିକାରୀ ରମଣୀ ରଂଜନ ଦଳେଇ ସୂଚନା ଦେଇଛନ୍ତି। ଏଥିସହ ଆସନ୍ତା କାଲି ୪ ଅଭିଯୁକ୍ତ ଙ୍କୁ କୋର୍ଟ ଚାଲାଣ କରାଯିବ ବୋଲି କହିଛନ୍ତି।
