ମୟୁରଝାଲ୍ଲିଆରେ ତହସିଲଦାର ସ୍ୱାସ୍ଥ୍ୟକର୍ମୀଙ୍କ ପରେ ସାମ୍ବାଦିକଙ୍କ ପାଳି, ଥାନାରେ ମାମଲା ରୁଜୁ

ନୟାଗଡ଼ (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ମୟୁରଝାଲିଆରେ ଗତ କାଲି ଏକ ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା । ଉକ୍ତ ଗ୍ରାମକୁ କଣ୍ଟେନମେଣ୍ଟ ଘୋଷଣା କରାଯାଇଛି । ୨୦ ଜଣ କରୋନା ପଜେଟିଭ ଚିହ୍ନଟ ହୋଇଛନ୍ତି । ଗତକାଲି ଗ୍ରାମବାସୀ ତହସିଲଦାର ଓ ସ୍ୱାସ୍ଥ୍ୟକର୍ମୀଙ୍କୁ ଅଟକ ରଖିଥିଲେ । ଘଟଣା ସ୍ଥଳରେ ଚାନ୍ଦପୁର ଆଇଆଇସି ପହଞ୍ଚି ସମସ୍ତଙ୍କୁ ଉଦ୍ଧାର କରିଥିଲେ । ପରବର୍ତ୍ତି ସମୟରେ କିଛି ସାମ୍ବାଦିକ ଉକ୍ତ ଗ୍ରାମରେ ପହଞ୍ଚିଥିଲେ । ଉକ୍ତ ଗ୍ରାମର ସୁରେନ୍ଦ୍ରନାଥ କଳସ ପିତା ଫକିର କଳସ ସାମ୍ବାଦିକ ମାନଙ୍କୁ ଗାଳି ଗୁଲଜ କରିଥିଲେ । ତେଣୁ ମିଡିଆ ବାଲା ମଶାଣି ଜଗିକି ରହିବା ଲୋକ, ତମେ ଚୋର ଏଭଳି ଗାଳି କରିଥିଲେ । ଉକ୍ତ ଘଟଣାକୁ ନେଇ ସାମ୍ବାଦିକ ମାନସ କୁମାର ସାହୁ, ଅଶିତ ରଞ୍ଜନ ପରିଡା ସୁରେନ୍ଦ୍ର କଳସଙ୍କ ନାମରେ ମାମଲା ରୁଜୁ କରିଛନ୍ତି । ଚାନ୍ଦପୁର ଥାନା ପକ୍ଷରୁ ୭୪/୨୦୨୧ ରେ ଏକ ମାମଲା ରୁଜୁ ହୋଇଛି । ତଦନ୍ତ ଜାରି ରହିଛି ।