ବ୍ରହ୍ମପୁର, (ବାଘୁଆବାର୍ତ୍ତା): ଖବର ସଂଗ୍ରହ କରୁଥିବା ବେଳେ ବ୍ରହ୍ମପୁର ପ୍ରମେୟ ସାମ୍ବାଦିକ ପ୍ରହ୍ଲାଦ ସାହୁଙ୍କୁ ଘାତକ ଆକ୍ରମଣ ଅଭିଯୋଗ । ଗୋସାଣି ନୂଆଗାଆଁର ଜୈନିକ ବୋହୂ ଶ୍ବଶୁର ଘରକୁ ପ୍ରବେଶ କରିବା ପାଇଁ ଚାହୁଁଥିବା ବେଳେ ପରିବାରବର୍ଗ କବାଟ ଖୋଲିନଥିଲେ । ଏହାକୁ ନେଇ କେତେକ ଗଣମାଧ୍ୟମ ପ୍ରତିନିଧି ଫଟୋ ଉତ୍ତୋଳନ କରୁଥିବା ବେଳେ ପରିବାରବର୍ଗ ଗାଳିଗୁଲଜ କରିଥିଲେ । ଏହାର ପ୍ରତିବାଦ କରି ପ୍ରମେୟ ବ୍ରହ୍ମପୁର ନଗର ପ୍ରତିନିଧି ପ୍ରହ୍ଲାଦ ସାହୁ ପରିବାରବର୍ଗଙ୍କୁ ଗାଳି ଗୁଲଜ ନକରିବାକୁ ଅନୁରୋଧ କରିଥିଲେ । ପରେ ପରିବାର ସଦସ୍ୟ ସାମ୍ବାଦିକ ପ୍ରହ୍ଲାଦଙ୍କୁ ମାରଣାତ୍ମକ ଆକ୍ରମଣ କରିଥିବା ନେଇ ଥାନାରେ ଅଭିଯୋଗ କରିଛନ୍ତି । ଗୋସାଣି ନୂଆଗାଆଁ ଥାନାରେ ମାମଲା ରୁଜୁ ହୋଇଥିବା ଜଣାପଡିଛି । ପୋଲିସ ଘଟଣାର ତଦନ୍ତ କରୁଛି । ଆକ୍ରମଣ ଘଟଣାକୁ ନିନ୍ଦା କରିବା ସହିତ ସାମ୍ବାଦିକ ମାନେ ପ୍ରତିବାଦ କରି ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ ।
