ଲମତାପୁଟ, (ବାଘୁଆବାର୍ତ୍ତା): ପାଡୁଆ ପୋଲିସକୁ ବଡ ସଫଳତା । ନାକାବନ୍ଦୀ ବେଳେ ବିପୁଳ ପରିମାଣର ଗଞ୍ଜେଇ ଜବତ । ୨୪ ଘଣ୍ଟିଆ ନାକା ବନ୍ଦୀ ଆରମ୍ଭରୁ ପୋଲିସ ବିପୁଳ ପରିମାଣର ଗଞ୍ଜେଇ ଜବତ କରିଛି । ସୂଚନା ଅନୁସାରେ, ବିଶେଷ ସୂତ୍ରରୁ ପୋଲିସକୁ ଖଡାପୁଟ ଗ୍ରାମ ନିକଟ ଜଲାପୁଟ ଜଳଭଣ୍ଡାର କୂଳରେ ଗଞ୍ଜେଇ ଚୋରା ଚାଲାଣ ପାଇଁ ପ୍ରସ୍ତୁତ ହେଉଥିବା ନେଇ ଖବର ମିଳିଥିଲା । ଏହାପରେ ପୋଲିସ ଚଢଉ କରିଥିଲା । ଅନ୍ଧାରର ସୁଯୋଗ ନେଇ ଘଟଣାସ୍ଥଳରୁ ମାଫିଆ ଫେରାର ହୋଇ ଯାଇଥିବା ବେଳେ ୩୦ ବସ୍ତା ଗଞ୍ଜେଇ ଜବତ କରିଛି ପୋଲିସ । ଗଞ୍ଜେଇର ପରିମାଣ ପ୍ରାୟ ୮ କୁଇଣ୍ଟାଲ ହୋଇଥିବା ବେଳେ ଏହାର ମୂଲ୍ୟ ୮୦ ଲକ୍ଷ ଟଙ୍କା ହେବ ବୋଲି ଜଣାପଡିଛି । ଚୋରା ଚାଲାଣରେ ସ୍ଥାନୀୟ ମଫିଆଙ୍କ ସଂପୃକ୍ତି ଥିବା ଜଣାପଡିଛି । ଏମାନଙ୍କୁ ଖୁବ ଶୀଘ୍ର ଧରାଯିବା ନେଇ ପୋଲିସ କହିଛି ।
