ତେଲକୋଇ (ବାଘୁଆବାର୍ତ୍ତା): ଲକଡାଉନ ସମୟରେ ବି ଚାଲିଛି ଗୋରୁ ବେପାର । ବେଆଇନ ଗୋରୁ ଚାଲାଣ ବେଳେ ୭ ପିକଅପ୍ ଭ୍ୟାନ୍ ସହ ୧୭ ଗିରଫ । ରବିବାର ବିଳମ୍ବିତ ରାତିରେ ପାଟ୍ରୋଲିଂ ସମୟରେ ତେଲକୋଇ ପୋଲିସ ଗୋରୁ ବୋଝେଇ ପିକଅପ୍ ଭ୍ୟାନକୁ ଜବତ କରିଛି । ୬୧ ଗୋରୁଙ୍କୁ ଉଦ୍ଧାର କରିବା ସହ ୧୭ ଜଣଙ୍କୁ ଗିରଫ କରିଛି । ଦୁଇଟି ଗାଈର ଅବସ୍ଥା ଏବେ ସଙ୍କଟାପନ୍ନ ରହିଛି । ରବିବାର ରାତି ସମୟରେ ତେଲକୋଇ ବଜାରରେ ଚେକିଂ ଚାଲିଥିବା ବେଳେ ପିକଅପ୍ ଭ୍ୟାନଗୁଡିକ ତେଲକୋଇ ଦେଇ ଯାଉଥିବାବେଳେ ଅଟକାଇ ଥିଲା ପୋଲିସ । ଗାଡି ଭିତରେ ଗୋରୁଗୁଡିକର ଗୋଡକୁ ବନ୍ଧା ଅବସ୍ଥାରେ ବୋଝେଇ ହୋଇଥିବା ଦେଖିବାକୁ ପାଇଥିଲା । ତାପରେ ଗାଡି ସହ ଗୋରୁଗୁଡିକୁ ଉଦ୍ଧାର କରି ନିଜ ହେପାଜତରେ ରଖିଛି ପୋଲିସ । ଏହାସହିତ ୭ଟି ପିକଅପ୍ ଭ୍ୟାନ୍ ସହ ୭ ଜଣ ଡ୍ରାଇଭରଙ୍କ ସହ ଅନ୍ୟ ୧୦ ଜଣ ଗୋରୁ ବେପାରୀଙ୍କୁ ଗିରଫ କରିଛି ପୋଲିସ । ତେଲକୋଇ ଥାନା ଅନ୍ତର୍ଗତ ଛାମୁଣ୍ଡା ଗାଁରୁ ମୟୂରଭଞ୍ଜ ଜିଲ୍ଲାର ହାଟବାଦଲାକୁ ଗୋଚାଲାଣ ହେଉଥିବା ଜଣାପଡିଛି ।
