ରାସ୍ତା କଡରେ ଗୋରୁ ବୋଝେଇ ଗାଡି ଠିଆ କରି ଡ୍ରାଇଭର ଫେରାର

ଘଟଗାଁ, (ବାଘୁଆବାର୍ତ୍ତା): ରାସ୍ତା କଡରେ ଗୋରୁ ବୋଝେଇ ଗାଡି ଠିଆ କରି ଡ୍ରାଇଭର୍ ଫେରାର୍। ଗତକାଲି ରାତିରେ କେନ୍ଦୁଝର ଜିଲ୍ଲା ପଣ୍ଡାପଡା ଥାନା ଅଧିନସ୍ଥ ପିଠାଗୋଳା-କାଳାଆହତା ରାସ୍ତା କଡରେ ପାଖାପାଖି ୮ ରୁ ଉର୍ଦ୍ଧ୍ବ ଗୋରୁ ବୋଝେଇ ପିକ୍-ଅପ୍ ଗାଡି ଠିଆକରି ଡ୍ରାଇଭରମାନେ ଫେରାର୍ ହୋଇଯାଇଛନ୍ତି। ଚାଲାଣ ହେଉଥିବା ଗୋରୁଙ୍କୁ ଗ୍ରାମବାସୀମାନେ ଉଦ୍ଧାର କରିଛନ୍ତି। ଅନ୍ଧାର ରାତିରେ ଚୋରା ଚାଲାଣ ହେଉଥିବା ବେଳେ ଚାଲାଣକାରୀମାନେ ବାଟବଣା ହୋଇ ରାସ୍ତା କଡରେ ଗାଡି ଠିଆ କରି ଫେରାର୍ ହୋଇଯାଇଛନ୍ତି। ଖବର ଅନୁଯାୟୀ, ଗତକାଲି ଅଧ ରାତିରେ ପାଖାପାଖି ୮ରୁ ଉର୍ଦ୍ଧ୍ବଟି ପିକ୍-ଅପ୍ ଗାଡି ତେଲକୋଇ ଅଞ୍ଚଳରୁ ଗୋରୁ କିଣି ଗାଡିରେ ଲୋଡ୍ କରି ଚାଲାଣ କରୁଥିଲେ। ହେଲେ ଅନ୍ଧାର ରାତିରେ ଡ୍ରାଇଭର ଗୁଡିକ ବାଟବଣା ହୋଇଯିବାରୁ ପିକଅପ୍ ଭ୍ୟାନଗୁଡିକୁ ପିଠାଗୋଳା-କାଳାଆହତା ରାସ୍ତା କଡରେ ଠିଆକରି ଡ୍ରାଇଭରମାନେ ଫେରାର ହୋଇଯାଇଛନ୍ତି ବୋଲି ସନ୍ଦେହ କରାଯାଉଛି। ଆଜି ସକାଳେ ଗୋରୁ ବୋଝେଇ ଗାଡି ଗୁଡିକ ରାସ୍ଥା କଡରେ ଠିଆ ହୋଇଥିବାର ଦେଖି ସ୍ଥାନୀୟ ଲୋକେ ଗୋରୁ ଗୋଡିକୁ ଉଦ୍ଧାର କରିବା ସହିତ ପୋଲିସକୁ ଖବର ଦେଇଛନ୍ତି। ତେବେ ଗୋରୁ ଗୁଡିକୁ କେଉଁ ସ୍ଥାନକୁ ସ୍ଥାନାନ୍ତର କରାଯାଉଥିଲା କିଏ କରୁଥିଲା ତାହା ବର୍ତମାନ୍ ପର୍ୟ୍ୟନ୍ତ ଜଣାପଡିନାହିଁ।