ନୟାଗଡ଼, (ବାଘୁଆବାର୍ତ୍ତା): କୋଭିଡ ଟିକାକରଣକୁ ନେଇ ରାଜ୍ୟ ସରକାର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି । ପୂର୍ବରୁ ଘରୋଇ ହସ୍ପିଟାଲକୁ ଯେଉଁ ୨୫୦ଟଙ୍କାରେ କୋଭିଡ୍ ଟିକା ଯୋଗଇ ଦେଉଥିଲେ ସେଥିରେ ପରିବର୍ତ୍ତନ ଆଣିଛନ୍ତି । ପରିବର୍ତ୍ତନ ଅନୁସାରେ ମେ ୧ତାରିଖରୁ ଘରୋଇ ହସ୍ପିଟାଲ ଗୁଡିକୁ ୨୫୦ଟଙ୍କିଆ ଟିକା ବନ୍ଦ ହେବ । ତତସହିତ ରାଜ୍ୟରେ ଶନିବାର ଓ ରବିବାର କୋଭିଡ୍ ଟିକାକରଣ ବନ୍ଦ ରହିବ । ଏହି ଦୁଇଦିନ ଟିକାକରଣ କେନ୍ଦ୍ର ସାନିଟାଇଜ୍ କରାଯିବ । ଘରୋଇ ହସ୍ପିଟାଲ ମାନେ ଏଣିକି ସିଧାସଳକ ଫାର୍ମା କଂପାନୀ ଠାରୁ ଟିକା କିଣିପାରିବେ । ବ୍ୟବସ୍ଥା ଅନୁସାରେ ୫୦ପ୍ରତିଶତ କୋଟାରୁ ଘରୋଇ ହସ୍ପିଟାଲ ଟିକା କିଣିବେ । ଏପ୍ରିଲ ୩୦ରୁ ସମସ୍ତ ଘରୋଇ କୋଭିଡ୍ ଭ୍ୟାକସିନ୍ କେନ୍ଦ୍ରକୁ ଟିକା ବନ୍ଦ କରାଯିବ ବୋଲି ଅତିରିକ୍ତ ମୁଖ୍ୟ ସଚିବ ପ୍ରଦୀପ୍ତ ମହାପାତ୍ର ନିର୍ଦ୍ଦେଶ ଦେଇଛନ୍ତି । ରାଜ୍ୟର ସମସ୍ତ ଜିଲ୍ଲାପାଳ ଓ ମୁନିସପାଲିଟ୍ କର୍ପୋରେସନକୁ ଚିଠି କରାଯାଇଥିବା ସୂଚନା ମିଳିଛି ।
