ନୟାଗଡ଼, (ବାଘୁଆବାର୍ତ୍ତା): ମହାମାରୀ କରୋନା ଦିନକୁ ଦିନ କାୟା ବିସ୍ତାରି ଚାଲିଥିବା ବେଳେ ସେଥିରୁ ବର୍ତ୍ତିବା ପାଇଁ କୋଭିଡ୍ କଟକଣା ଜାରି କରିଛନ୍ତି । ହେଲେ କେତେକ ଅମାନିଆ ଏହାକୁ ଉଲଘଂନ କରୁଥିବା ଜଣାପଡିଛି । ଯାହାଫଳରେ ପୁଲିସ ବିଭିନ୍ନ ସ୍ଥାନରେ ଚଢଉ କରି ଅମାନିଆଙ୍କ ଠାରୁ ଫାଇନ୍ କାଟୁଥିବା ଜଣାପଡିଛି । ମହାମାରୀ କରୋନାର ଦ୍ୱତୀୟ ଲହରର ଦ୍ୱିତୀୟ ଲକଡାଉନ୍ ନିୟମାନୁସାରେ, ଦଶାହ କାର୍ଯ୍ୟକ୍ରମରେ ଭୋଜି ଭାତ ବାରଣ କରାଯାଇଥିବା ବେଳେ ନୟାଗଡ଼ ସଦରଥାନା ଅନ୍ତର୍ଗତ କଣ୍ଟାବଣିଆ ଗାଁରେ ଏକ ଦଶାହ କାର୍ଯୟକ୍ରମରେ ଭୋଜି ଭାତର ଆସର ଜମିଥିଲା । ନୟାଗଡ଼ ତହସିଲଦାର ଭିକାରୀ ସାହୁ ବିଶେଷ ସୁତ୍ରରୁ ଖବର ପାଇଁ ସଦରଥାନା ପୁଲିସକୁ ନେଇ ଘଟଣାସ୍ଥଳରେ ପହଞ୍ଚି ଭୋଜି ଭାତ ବନ୍ଦ କରିବା ସହିତ ଦଶାହ କାର୍ଯ୍ୟକ୍ରମ କରୁଥିବା ପରିବାର ଠାରୁ ୭୦୦୦ଟଙ୍କା ଫାଇନ୍ ଆଦାୟ କରିଥିବା ବେଳେ ଅମାନିଆ ଦୋକାନୀ ଓ ମାକ୍ସ ଚେକିଂ କରି ୨୨୦୦ଟଙ୍କା ଫାଇନ୍ ଆଦାୟ କରିଛନ୍ତି । କୋଭିଡ୍-୧୯ ନିୟମ ଉଲଘଂନ କରିଥିବା ଅମାନିଆମାନଙ୍କ ଠାରୁ ସର୍ବମୋଟ ୯୨୦୦ଟଙ୍କା ଫାଇନ୍ ଆଦାୟ ହୋଇଥିବା ନେଇ ସଦରଥାନା ଅଧିକାରୀ ଦୀପକ୍ କୁମାର ଖଣ୍ଡାୟତରାୟ ସୂଚନା ଦେଇଛନ୍ତି ।
