ନୟାଗଡ଼, (ବାଘୁଆବାର୍ତ୍ତା): ମହାମାରୀ କରୋନା କାୟା ବିସ୍ତାରି ଚାଲିଥିବା ବେଳେ ଜିଲ୍ଲା ପ୍ରଶାସନ ପକ୍ଷରୁ ୪୫ ବର୍ଷରୁ ଉର୍ଦ୍ଧ ବ୍ୟକ୍ତି ବିଶେଷମାନଙ୍କ ପାଇଁ କୋଭିଡ୍ ଟିକାକରଣ ବ୍ୟବସ୍ଥା କରାଯାଇଛି । ଆଜି ଜିଲ୍ଲାର ବିଭିନ୍ନ ବ୍ଲକର ୯ଟି ସ୍ଥାନରେ କୋଭିଡ୍ ର ପ୍ରଥମ ଡୋଜ୍ ଟିକାଦିଆଯିବ । ଏନେଇ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ବନ୍ଦୋବସ୍ତ କରାଯାଇଛି । ଭାପୁର ବ୍ଲକର ଭାପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ଦଶପଲ୍ଲା ବ୍ଲକର ନଛିପୁର ଗ୍ରାମ ପଞ୍ଚାୟତ, ଗଣିଆ ବ୍ଲକର ମାଳତିପୁର ୟୁପି ସ୍କୁଲ୍, ଖଣ୍ଡପଡ଼ା ବ୍ଲକର ଖଣ୍ଡପଡ଼ା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, କଣ୍ଟିଲୋ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର, ନୟାଗଡ଼ ବ୍ଲକର ନାଟୁଗାଁ ପଞ୍ଚାୟତ, ରଣପୁର ବ୍ଲକର ସୁରୁକାବାଡି ପଞ୍ଚାୟତ, ବି.ସି ହାଇସ୍କୁଲ ପରିସରରେ ୪୫ବର୍ଷରୁ ଉର୍ଦ୍ଧ ବ୍ୟକ୍ତି ବିଶେଷଙ୍କ ପାଇଁ କୋଭିଡ୍ ପ୍ରଥମ ଡୋଜ୍ ର ଟିକାକରଣ କରାଯିବ ତତ୍ ସହିତ ନୟାଗଡ଼ ପୌର ପରିଷଦ ଅଧରନରେ ବଜେନ୍ଦ୍ର ହାଇସ୍କୁଲ୍ ପରିସରରେ ମଧ୍ୟ ଟିକାକରଣ କରାଯିବା ନେଇ ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି ।
