ନବରଙ୍ଗପୁର, (ବାଘୁଆବାର୍ତ୍ତା): ମହାମାରୀ କରୋନାର ପ୍ରକୋପ ଦିନକୁ ଦିନ ବଢ଼ିବାରେ ଲାଗିଛି । ଆଜି ମଧ୍ୟ ଜିଲ୍ଲାରେ ୩୧୮ ଜଣସଂକ୍ରମଣ ହୋଇଛନ୍ତି । କିଛିଦିନ ହେବ କରୋନା ର ପ୍ରଭାବ ନବରଙ୍ଗପୁର ଜିଲା ଡାବୁଗାଁ ବ୍ଲକ ରେ ମଧ୍ୟ ଦେଖିବାକୁ ମିଳିଛି। ଡାବୁଗାଁ ବ୍ଲକ ର ବିଭିନ୍ନ ସ୍ଥାନରେ ପ୍ରତିଦିନ ୨ ରୁ ୩ ଜଣ କରୋନା ଭୁତାଣୁ ର ସଂକ୍ରମଣ ହେଉଥିବା ବେଳେ ଏହି ସଂକ୍ରମଣ ଦିନକୁ ଦିନ ବଢିବା ଦେଖି ଡାବୁଗାଁ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି । ସଂକ୍ରମଣ ସଂଖ୍ୟା ବୃଦ୍ଧି ପାଉଥିଲେ ମଧ୍ୟ ଅଧିକାଂଶ ଲୋକ କୋଭିଡ କଟକଣା ମାନୁ ନାହାନ୍ତି । ଏହିଭଳି ପରିସ୍ଥିତିରେ ଲୋକେ ନିଜେ ନିଜର ସୁରକ୍ଷା କରିବା ଆବଶ୍ୟକ ରହିଛି । ମାସ୍କ ପିନ୍ଧିବା , ସାମାଜିକ ଦୂରତା କୁ ବଜାୟ ରଖିବା , ବିନା କାରଣରେ ବାହାରକୁ ନ ବାହାରିବା , ଗହଳି ସ୍ଥାନକୁ ବର୍ଜନ କରିବା ଭଳି ନିୟମ କୁ ଯଦି ସମସ୍ତେ ପାଳନ କରନ୍ତି ତାହେଲେ ସଂକ୍ରମଣ କୁ ରୋକାଯାଇ ପାରିବ ବୋଲି ଡାବୁଗାଁ ତହସିଲଦାର ସନ୍ଧ୍ୟା ସମରଥ ମତବ୍ୟକ୍ତ କରିଛନ୍ତି । ଏହି ସଂକ୍ରମଣ କୁ ରୋକିବା ରେ ଡାବୁଗାଁ ଅଂଚଳର ଦୋକାନୀ ଭାଇ ମାନଙ୍କ ସହଯୋଗ ଦରକାର ବୋଲି ସେ କହିଛନ୍ତି । ଏହି କରୋନା ମହାମାରୀର ଦ୍ବିତୀୟ ଲହର ପୂର୍ବରୁ ସ୍ଥାନୀୟ ପ୍ରଶାସନ ଡାବୁଗାଁ ରେ ୮୦ ଶଯ୍ୟା ବିଶିଷ୍ଠ ୨ ଟି ଅସ୍ଥାୟୀ ସେବା କେନ୍ଦ୍ର କରାଯାଇଛି ଏବଂ ୨ ଟି କରାଯିବାର ବ୍ୟବସ୍ଥା ମଧ୍ୟ ହୋଇଛି ବୋଲି ଡାବୁଗାଁ ବିଡ଼ିଓ ରଞ୍ଜିତା ମେରୀ ନାୟକ ସୂଚନା ଦେଇଛନ୍ତି।





