ଚୌଦ୍ୱାର (ବାଘୁଆବାର୍ତ୍ତା): ମୃତ୍ୟୁ କେମିତି ଆସେ ତାହା କେହି ଜାଣି ପାରନ୍ତି ନାହିଁ । ବର୍ତ୍ତମାନ ପରିସ୍ଥିତିରେ ରାତି ପାହିଲେ କେବଳ ମୃତ୍ୟୁ ଖବର ହିଁ ମିଳୁଛି । କେଉଁଠି କରୋନାରେ ବାପା, ମା’ ଆଗରେ ପୁଅ ଚାଲିଯାଉଛି ତ କେଉଁଠି ସ୍ତ୍ରୀ ଆଗରେ ସ୍ୱାମୀ ଓ ପିଲା ମାନଙ୍କ ଆଗରେ ବାପା ମା’ଙ୍କ ଜୀବନ ଚାଲି ଯାଇଛି । ଏବେ ଏଭଳି ଏକ ଘଟଣା ଘଟିଛି କଟକ ଜିଲ୍ଲା ଟାଙ୍ଗୀ-ଚୌଦ୍ୱାର ବ୍ଳକ ନପଙ୍ଗ ପଞ୍ଚାୟତର ସାଇଂଟୋ ଗ୍ରାମରେ । ପୁଅର ମୃତ୍ୟୁ ଖବର ପାଇବା ପରେ ମା’ର ମୃତ୍ୟୁ ହୋଇଛି । ୭ ଦିନ ତଳେ କରୋନାରେ ପୀଡିତ ହୋଇ ଟାଙ୍ଗୀ ନପଙ୍ଗ ପଞ୍ଚାୟତର ସାଇଣ୍ଟୋ ଗ୍ରାମର କିଣୁଚରଣ ବେହେରାଙ୍କ ପୁଅ ଦୟାନିଧି କଟକ ବଡ଼ ମେଡିକାଲରେ ଚିକିତ୍ସିତ ହେଉଥିଲେ । ହେଲେ ସୋମବାର ରାତିରେ ତାଙ୍କର ମୃତ୍ୟୁ ହୋଇଛି । ମୃତ୍ୟୁ ଖବର ପ୍ଧବ ତାଙ୍କ ପରିବାରରେ ଶୋକାକୂଳ ପରିସ୍ଥିତି ଦେଖାଯାଇଥିଲା ।
