ନୟାଗଡ଼,(ବାଘୁଆବାର୍ତ୍ତା): ସାରା ଭାରତରେ ଆତଙ୍କ ସୃଷ୍ଟି କରିଥିବା କରୋନା ମହାମାରୀ ମୁକାବିଲା ପାଇଁ ରାଜ୍ୟ ସରକାରଙ୍କ ନିର୍ଦ୍ଦେଶରେ ନୟାଗଡ଼ ଜିଲ୍ଲା ପ୍ରଶାସନ କଟକଣା ଜାରି କରିଥିବା ବେଳେ ବିଭିନ୍ନ ସ୍ଥାନରେ ନିୟମ ଉଲଘଂନ କରାଯାଉଛି । ଯାହାକୁ ନେଇ ଜିଲ୍ଲା ପୁଲିସ ପ୍ରଶାସନ ପକ୍ଷରୁ ନୟାଗଡ଼ ଜିଲ୍ଲାର ବିଭିନ୍ନ ସ୍ଥାନରେ ୫୯ ମାମଲା ରୁଜୁ ହୋଇଥିବା ସୂଚନା ମିଳିଛି । ଲକ୍ ଡାଉନ୍ ଅବଧି ଆହୁରି ଅନେକ ଦିନ ଥିବାରୁ ଏହି ମାମଲା ସଂଖ୍ୟା ବଢ଼ିବାର ସମ୍ଭାବନା ରହିଥିବା ଜଣାଯାଇଛି । ସାରା ଜିଲ୍ଲାରେ ପୁଲିସ ପକ୍ଷରୁ କଟକଣା ଜାରି କରାଯାଇଥିବା ବେଳେ ନୟାଗଡ଼ ସହରରେ ଏହା ପ୍ରଭାବହୀନ ଭଳି ମନେ ହେଉଛି । ସହରର ବିଭିନ୍ନ ଗଳି କନ୍ଦି ଦେଇ ଲୋକମାନେ ଅନ୍ୟାୟାସରେ ଯାତାୟାତ କରୁଥିଲେ ମଧ୍ୟ ପୁଲିସ ଏହାକୁ ରୋକି ପାରୁ ନାହିଁ । ନୟାଗଡ଼ ଟ୍ରାଫିକ ଛକରେ କିଛି ପୁଲିସ କର୍ମଚାରୀ କେବଳ ଲୋକ ଦେଖାଣିଆ ଭାବେ ଡ୍ୟୁଟି କରୁଥିବା ବେଳେ ବାସ୍ତବ ଋପ ରେଖ ଓଲଟା ଦେଖିବାକୁ ମିଳୁଛି ।
