ଭୁବନେଶ୍ୱର (ବାଘୁଆବାର୍ତ୍ତା): କରୋନା ଦେଲା ନୂଆ ଠିକଣା, ଦିନେ ଯେଉଁ ପୁଅକୁ ମୃତ ଭାବି ବାପା, ମା ଓ ପରିବାର ବର୍ଗ ଶୁଧକ୍ରିୟା କାର୍ଯ୍ୟ ସାରିଦେଇଥିଲେ ସେହି ବାପା, ମା ଓ ଗ୍ରାମବାସୀ ଙ୍କୁ କରୋନା ଦେଇଛି ନୂଆ ଠିକଣା । ରାଜ୍ୟ ସରକାର ରାଜ୍ୟ ବାହାରେ ଥିବା ଫେରନ୍ତା ମାନଙ୍କୁ ନିଜ ରାଜ୍ୟକୁ ଫେରେଇ ଆଣିବା ପାଇଁ ଉଦ୍ୟମ କରୁଛନ୍ତି । ଏହି ପରିପ୍ରେକ୍ଷିରେ ନବରଂଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଦଳବେଡା ଗ୍ରାମରେ ଘଟିଛି ଏକ ନୂଆ ଘଟଣା । ଅମୃତ ମାଝି ଓ ଧାନବାଲି ମାଝିଙ୍କର ପୁତ୍ର ଭୂବନ ମାଝି ଦୀର୍ଘ ୧୫ ବର୍ଷ ତଳେ କାହାକୁ କିଛି ନ ଜଣେଇ ଘରୁ ବାହାରି ଚାଲିଯାଇଥିଲେ । ବାପା, ମା ଓ ପରିବାର ବର୍ଗ ବହୁତ ଖୋଜା ଖୋଜି କରିଥିଲେ ମଂଧ୍ୟ ପାଇନଥିଲେ । କିଏ ତାଙ୍କୁ ଜୀବନରେ ମାରି ଦେଇଛି ବୋଲି ପରିବାର ବର୍ଗ ଧରିନେଇଥିଲେ । ଏପରିକି ଭୂବନର ଶୁଧକ୍ରିୟା କାର୍ଯ୍ୟ କରିସାରିଥିଲେ । ସାରା ରାଜ୍ୟରେ କରୋନାରେ ଭୟାବହତା ଲାଗି ରହିଥିବାବେଳେ ଏହି ସମୟରେ ଉକ୍ତ ପଂଚାୟତରେ ସରପଂଚ ସସ୍ମିତା ମାଝିଙ୍କ ପାଖକୁ ଗୁଜୁରାଟର ଅହମଦାବାଦ୍ ରୁ ଫୋନ୍ ଆସିଥିଲା । ମୁଁ ଭୂବନ ମାଝି ମତେ ଗ୍ରାମକୁ ଫେରାଇ ନିଅ । ଏହି ଘଟଣା ସମସ୍ତଙ୍କୁ ଚକିତ କରିଥିଲା । ମୃତ ଯୁବକ କିପରି ଜୀବିତ ହେଲେ । ସ୍ଥାନୀୟ ଅଂଚଳର ନେତା ନବରଂଗପୁର ସାଂସଦ ରମେଶ ମାଝିଙ୍କ ସହିତ ଯୋଗାଯୋଗ କରି ଭୂବନ କିପରି ଗ୍ରାମକୁ ଫେରିବେ ସେ ସମ୍ବନ୍ଧରେ ଜଣାଇଥିଲେ । ସ୍ଥାନୀୟ ସାଂସଦ ଭୂବନଙ୍କ ସହିତ ଟେଲିଫୋନରେ କଥା ହୋଇ ଫେରିବାପାଇଁ ବାଟ କରିଛନ୍ତି । ଏହି ଘଟଣାଙ୍କୁ ନେଇ ସ୍ଥାନୀୟ ଅଂଚଳରେ ଖୁସିର ଲହରି ଖେଳିଯାଇଛି ।୧୫ ବର୍ଷ ତଳର ମୃତ ପୁଅକୁ ପାଇବା ପାଇଁ ବାପା, ମା ଓ ପରିବାର ବର୍ଗ ଅନାଇ ରହିଛନ୍ତି । କରୋନା କିପରି ନୂଆ ଠିକଣା ଦେଇଛି ଏହାକୁ ନେଇ ଚର୍ଚ୍ଚା ଜାରି ରହିଛି ।
