ଭୁବନେଶ୍ୱର: (ବାଘୁଆବାର୍ତ୍ତା): ବାତ୍ୟା ୟାସ ଏବେ ଉତ୍ତର ଓଡିଶାରେ ତାଣ୍ଡବ ରଚିବା ସହିତ ଲ୍ୟାଣ୍ଡଫଲ କରିସାରିଛି । ଓଡିଶା ସରକାର ମଧ୍ୟ ଏହାକୁ ମୁକାବିଲା କରିବା ସହିତ ଏବେ ଉଦ୍ଧାର କାର୍ଯ୍ୟରେ ଲାଗିପଡିଛନ୍ତି । ହେଲେ ବାତ୍ୟା ଯିବା ପରେ ରାଜ୍ୟରେ କରୋନା ସଂକ୍ରମଣ ବଢ଼ିପାରେ ବୋଲି ଆଶଙ୍କା ପ୍ରକାଶ କରିଛନ୍ତି ବରିଷ୍ଠ ଡାକ୍ତର ଅଶୋକ ମହାପାତ୍ର । ତାଙ୍କ କହିବା ମୁତାବକ, ଲୋକମାନଙ୍କୁ ସୁରକ୍ଷିତ ସ୍ଥାନକୁ ନେବାକୁ ପ୍ରଶାସନ ବାତ୍ୟା ସମୟରେ ଜୋର ଦେଇଥିଲା । ବାତ୍ୟା ଆଶ୍ରୟସ୍ଥଳୀରେ କରୋନା ଗାଇଡଲାଇନ ମଧ୍ୟ ପାଳନ କରାଯାଉଥିଲା । ହେଲେ କିଛି ଅଶ୍ରୟସ୍ଥଳୀରେ ମଧ୍ୟ କୋଭିଡ ଗାଇଡଲାଇନ ପାଳନ ହେଉନଥିଲା । ଲୋକମାନେ ମାସ୍କ ନପିନ୍ଧିବା ସହିତ ସାମାଜିକ ଦୂରତାକୁ ପାଳନ କରୁନଥିଲେ । ଯେଉଁ କାରଣରୁ ଆଗାମୀ ଦିନରେ ରାଜ୍ୟରେ ସଂକ୍ରମଣ ବଢ଼ିପାରେ ବୋଲି ଅନୁମାନ କରାଯାଉଛି ।
