ନୟାଗଡ଼,(ବାଘୁଆବାର୍ତ୍ତା): ଲଡୁକେଶରପୁର ଶାସନ ଗାଁ ନିକଟରେ ବାରହା ଶିକାର କରାଯାଇଥିବା ମାଂସକୁ ଖବର ପାଇ ବନ ବିଭାଗ ପକ୍ଷରୁ ଚଢଉ କରି ରନ୍ଧା ମାଂସ ଜବତ କରିଥିବା ବେଳେ ଏକ ମାମଲା ଋଜୁ କରିଥିବା ଜଣାପଡିଛି । ସୂଚନାନୁସାରେ, ମହିପୁର ବନାଞ୍ଚଳ ଅନ୍ତର୍ଗତ ଲଡୁକେଶରପୁର ଶାସନ ଗାଁରେ ନିକଟରେ ବାରହା ଶିକାର କରାଯାଇଥିବା ନେଇ ସ୍ଥାନୀୟ ଲୋକ ନୟାଗଡ଼ ବନଖଣ୍ଡ ଅଧିକାରୀଙ୍କୁ ଖବର ଦେଇଥିଲେ । ତେବେ ବନଖଣ୍ଡ ଅଧିକାରୀ ଧନରାଜ ଏଚ.ଡିଙ୍କ ନିର୍ଦ୍ଦେଶକ୍ରମେ ମହିପୁର ବନାଞ୍ଚଳ ଅଧିକାରୀ ଶୁଧାଂସୁ ଶେଖର ପଣ୍ଡାଙ୍କ ତତ୍ୱବଧାନରେ ମହିତମା ବନପାଳ ରାକେଶ କୁମାର ସାହୁ, ନୂଆଗାଁ ବିଟର ଶ୍ରଦ୍ଧାଞ୍ଜଳୀ ସାହୁ ଓ ଜିଗିନିପଡ଼ା ବିଟର ସୁଧାକର ସାହୁ ମିଳିତ ଭାବେ ଲଡୁକେଶରପୁର ଶାସନ ଗାଁରେ ପହଂଚିଲା ବେଳେକୁ ଗ୍ରାମ ନିକଟସ୍ଥ ଏକ ନାଳ ପାଖରେ ଜଣେ ବ୍ୟକ୍ତି ସ୍କୁଟିଧରି ଠିଆ ହୋଇଥିଲା । ତେବେ ବନବିଭାଗ କର୍ମାଚରୀଙ୍କୁ ଦେଖି ସ୍କୁଟି ଛାଡି ଧାଇଁବାରୁ ସନ୍ଦେହ ହୋଇଥିଲା । ତେବେ ଗାଡ଼ି ପାଖକୁ ଗଲା ବେଳକୁ ଏକ ଡେକଚିରେ ଥିବା ୧କେଜି ରନ୍ଧାମାଂସ, କେବୁଲ ତାର, କଟୁରୀ, ଟାଙ୍ଗିଆ ଜବତ କରିଥିବା ବେଳେ ଉକ୍ତ ବ୍ୟକ୍ତି ଛାଡି ଯାଇଥିବା ହୋଣ୍ଡା ସ୍କୁଟି ନଂ (ଓଡି୩୩ ଡବ୍ଲ୍ୟୁ ୭୭୨୬) ଗାଡ଼ିକୁ ବନବିଭାଗ ସିଜ୍ କରିବା ସହିତ ଓଆର କେସ ନଂ ୩୮/୨୧ରେ ମାମଲା ଋଜୁ କରାଯାଇ ଥିବାବେଳେ ରନ୍ଧା ଯାଇଥିବା ମାଂସ ଓୟୁଟିକୁ ଲ୍ୟାବକୁ ପରୀକ୍ଷା ପାଇଁ ପଠାଯାଇଥିବା ମହିପୁର ବନାଞ୍ଚଳ ଅଧିକାରୀ ସୂଚନା ଦେଇଛନ୍ତି ।
