ଓଡ଼ଗାଁ, (ବାଘୁଆବାର୍ତ୍ତା) : ଜିଲ୍ଲାରେ କରୋନା ଆକ୍ରାନ୍ତ ସଂଖ୍ୟା ଭୟାବହ ଭାବେ ବଢ଼ି ଚାଲିଥିବା ବେଳେ ବ୍ୟାପକ ଭାବେ ଆକ୍ରାନ୍ତ ବାହାରୁଥିବା ଓଡ଼ଗାଁ ବ୍ଲକର ୫ ପଂଚାୟତରୁ କରୋନା ଆକ୍ରାନ୍ତ ସଂଖ୍ୟା ହ୍ରାସ ପାଇଛି । ଯାହାକୁ ନେଇ ଆଜି ଜିଲ୍ଲାପାଳ ଡ. ପୋମା ୫ଟି ପଂଚାୟତର ୨୦ ଗାଁକୁ କଣ୍ଟେନ୍ମେଣ୍ଟ ମୁକ୍ତ କରିଛନ୍ତି । ଓଡ଼ଗାଁ ବ୍ଲକର କୁରାଳ, କୋମଣ୍ଡ, ସୁନାମୁହିଁ, ଗିରିଡ଼ିପଲ୍ଲୀ, ପାଣ୍ଡେରିପଡ଼ା ପଂଚାୟତର ୨୦ ଖଣ୍ଡ ଗ୍ରାମ କଣ୍ଟେନ୍ମେଣ୍ଟ ମୁକ୍ତ କରାଯାଇଛି । କଣ୍ଟେନମେଣ୍ଟ ମୁକ୍ତ ହୋଇଥିବା ଗାଁ ଗୁଡ଼ିକ ହେଲା, ମାଳିସାହି, ବାଲିସିଂଶା, ଖଙ୍ଗାରପଲ୍ଲୀ, ସୁନାମୁହିଁ, ଲଣ୍ଡାବାଦୁ, ପଞ୍ଚୁପାଣ୍ଡବ, ଧଜୋଲା, ଗିରିଡ଼ିପଲ୍ଲୀ, ପଥରାପଲ୍ଲୀ, ଝାଡ଼ସାହି, ତୋଟାସାହି, ତଣ୍ଟିଭୁଷାପଲ୍ଳି, କୁରାଳ, ନାଥିଆପଲ୍ଲୀ, ହନୁମନ୍ତିଆ, ଦୋଣ୍ଡର, ପାଣ୍ଡେରିପଡ଼ା, ଭାଲିଆଡିହି, ଦେଓଗାଁ, କୋମଣ୍ଡ । ସୂଚନାନୁସାରେ, ଓଡ଼ଗାଁ ବ୍ଲକ କୁରାଳ ପଂଚାୟତକୁ ଜିଲ୍ଲାପାଳ ଜୁଲାଇ ୧ ତାରିଖରୁ କଣ୍ଟେନ୍ମେଣ୍ଟ ଘୋଷଣା କରାଯାଇଥିଲା । ଦୀର୍ଘଦିନ ହେବ ଏଠାରେ କଣ୍ଟେନ୍ମେଣ୍ଟ ଲାଗୁ କରାଯାଇଥିବା ବେଳେ ବ୍ୟବସାୟୀମାନେ ଏହାକୁ ନେଇ ବାରମ୍ବାର ଅସନ୍ତୋଷ ବ୍ୟକ୍ତ କରି ଆସୁଥିଲେ । ଗତ ୮ ତାରିଖରେ ଏନେଇ ବ୍ୟବସାୟୀମାନଙ୍କ ତରଫରୁ ମେଲ ଯୋଗେ ଜିଲ୍ଲାପାଳଙ୍କ ଅବଗତ କରିଥିବା ବେଳେ ଏହି ଅସନ୍ତୋଷ ଗତକାଲି ଉଗ୍ରଋପ ଧାରଣ କରିଥିଲା । ବ୍ୟବସାୟୀମାନେ ପଂଚାୟତ କାର୍ଯ୍ୟାଳୟ ଆଗରେ ଧାରଣା ଦେଇଥିବା ବେଳେ ଆଜି ଏହି ଅଂଚଳକୁ ଜିଲ୍ଲାପାଳ କଣ୍ଟେନ୍ମେଣ୍ଟ ମୁକ୍ତ କରିବା ପରେ ବ୍ୟବସାୟୀ ସଂଘ ପକ୍ଷରୁ ଧନ୍ୟବାଦ ଅର୍ପଣ କରାଯାଇଛି ।
(ରିର୍ପୋଟ ଅର୍ଜ୍ଜୁନ ସାହୁ)
୫ ପଞ୍ଚାୟତର ୨୦ ଗ୍ରାମ କଣ୍ଟେନ୍ମେଣ୍ଟ ଜୋନ ମୁକ୍ତ
