ତୈଳଦର ବୃଦ୍ଧି ପ୍ରତିବାଦ ; ମୋଦିମାର୍କା ପୋଷ୍ଟର ଚିରିଲେ

ନୟାଗଡ଼,(ବାଘୁଆବାର୍ତ୍ତା): ମୋଦି ସରକାରଙ୍କ ଦ୍ୱାରା ପେଟ୍ରୋଲ ଡିଜେଲ ରନ୍ଧନ ଗ୍ୟାସ ଦରରେ ଅହେତୁକ ମୂଲ୍ୟବୃଦ୍ଧି ଘଟାଇ ଦେଶବାସୀଙ୍କୁ ଅଣାୟତ୍ତ କରାଯିବା ପ୍ରତିବାଦରେ ଆଜି ନୟାଗଡ ସହର ମଧ୍ୟରେ ଥିବା ସମସ୍ତ ପେଟ୍ରୋଲ ପମ୍ପରେ କରଦାତାଙ୍କ ଟଙ୍କାରେ ଲାଗିଥିବା ମୋଦିମାର୍କା ପୋଷ୍ଟର ହଟାଯାଇଛି । ଜିଲ୍ଲା କଂଗ୍ରେସ ସଭାପତି ଆଇନଜୀବି ରଣଜିତ ଦାଶ, ଜିଲ୍ଲା ଯୁବକଂଗ୍ରେସ କାର୍ୟ୍ୟକାରୀ ସଭାପତି ପ୍ରତୀକ ମହାପାତ୍ର, ଦଶପଲ୍ଲା ନିର୍ବାଚନ ମଣ୍ଡଳି ଯୁବ କଂଗ୍ରେସ ସଭାପତି ଚନ୍ଦନ ମହାଳିକ,ଜିଲ୍ଲା ଛାତ୍ର କଂଗ୍ରେସ ସଭାପତି ଅକ୍ଷୟ କୁମାର ମଲ୍ଲ, ସାଧାରଣ ସମ୍ପାଦକ ଅବଦୁଲ ନିଜାମ ଏବଂ ଯୁବନେତା ପ୍ରମୋଦ ପଟ୍ଟସାଣିଙ୍କ ସହ ଦଳୀୟ କାର୍ୟ୍ୟକର୍ତା ମାନେ ମିଳିତ ଭାବେ ପ୍ରତ୍ୟେକ ପେଟ୍ରୋଲ ପମ୍ପରୁ ପ୍ରଧାନମନ୍ତ୍ରୀ ମୋଦି ଫୋଟୋ ଚିରାଯାଇ ତୈଳ ଦରବୃଦ୍ଧିର ଅଭିନଵ ପ୍ରତିବାଦ କରାଯାଇଥିଲା ।ଚଳିତ ସପ୍ତାହରେ ସମଗ୍ର ଜିଲ୍ଲାରେ ପ୍ରତ୍ୟେକ ପେଟ୍ରୋଲ ପମ୍ପରୁ କଂଗ୍ରେସ କାର୍ୟ୍ୟକର୍ତା ମନେ ମୋଦି ଫୋଟୋ ହଟାଇ ତୈଳ ରନ୍ଧନ ଗ୍ୟାସ ଦରବୃଦ୍ଧିର ଦୃଢ଼ ଗଛ ପ୍ରତିବାଦ କରାଯିବ ବୋଲି ଜିଲ୍ଲା କଂଗ୍ରେସ ପକ୍ଷରୁ କୁହାଯାଇଛି ।