କଂଗ୍ରେସ, ବିଜେପି କର୍ମି ବିଜେଡିରେ – କଂଗ୍ରେସ ସଭାପତି ସୋଶିଆଲ ମିଡିଆରେ ମତୁଆଲ

ନୟାଗଡ଼, (ବାଘୁଆବାର୍ତ୍ତା): ଆଜି ନୟାଗଡ଼ ବ୍ଲକ ଅନ୍ତର୍ଗତ ବାଉଁଶିଆପଡ଼ା ଗ୍ରାମରେ ବିଜେପି ଓ କଂଗ୍ରେସ କର୍ମି ବିଜେଡିରେ ଯୋଗଦାନ କରିଛନ୍ତି । ଏହାକୁ ନେଇ ରାଜନୈତିକ ସ୍ତରରେ ହଟଚମ୍ପଟ ଦେଖା ଯାଇଛି । ବିଜେପି ଓ କଂଗ୍ରେସ ନେତାମାନେ ନିଜ ଦଳର ସଂଗଠନକୁ ନେଇ ଚିନ୍ତାରେ ପଡ଼ିଛନ୍ତି । ଆଜି ଇଟାମାଟି ଜୋନର କଂଗ୍ରେସ ଓ ବିଜେପି ଦଳର ଅନେକ ନେତା ବିଜେଡି ଦଳରେ ଯୋଗ ଦେଇଛନ୍ତି । ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶାସନରେ ଅନୁପ୍ରାଣିତ ହେବା ତଥା ନୟାଗଡ଼ ବିଧାୟକ ମନ୍ତ୍ରୀ ଡ.ଅରୁଣ କୁମାର ସାହୁଙ୍କ ପ୍ରେରଣାରେ ଉତ୍ସାହିତ ହୋଇ ବହୁ କଂଗ୍ରେସ ଓ ବିଜେପି ଲୋକ ଆଜି ବିଜେଡିରେ ଯୋଗଦାନ କରିଛନ୍ତି । ପୂର୍ବତନ ବିରୋଧୀ ଦଳର ଅନେକ ବିଜେପି ଓ କଂଗ୍ରେସ ନେତା ଆଜି ବିଜେଡିରେ ଯୋଗଦାନ କରିଛନ୍ତି । ପୁରଷତ୍ତମପୁର, ବାଉଁଶିଆପଡ଼ା, ବଳରାମପୁର, ପାଟପୁର ବିଭିନ୍ନ ଗ୍ରାମର ପଚାଶରୁ ଉର୍ଦ୍ଧ୍ୱ ନେତା ଆଜି ବିଜେଡିରେ ଯୋଗ ଦେଇଛନ୍ତି । ସ୍ଥାନୀୟ ବିରୋଧୀ ନେତା ଜଗବନ୍ଧୁ ଚମ୍ପତ୍ତିଙ୍କ ସହ ଅନେକ ବିରୋଧି ଆଜି ବିଜେଡିରେ ଯୋଗଦାନ କରିଛନ୍ତି । ଆଗାମୀ ଦିନରେ ଉକ୍ତ ପଞ୍ଚାୟତ ବିଜେଡିର ଗଡ଼ ହେବ ବୋଲି ଚର୍ଚ୍ଚା ଚାଲିଛି ।