କ୍ରିକେଟକୁ କମବ୍ୟାକ୍ କରିବେ ସିକ୍ସର କିଙ୍ଗ୍

ଭୁବନେଶ୍ୱର, (ବାଘୁଆବାର୍ତ୍ତା): ୟୁବି ଫ୍ୟାନଙ୍କ ପାଇଁ ଖୁସିର ଖବର । କ୍ରିକେଟକୁ କମବ୍ୟାକ୍ କରିବେ ସିକ୍ସର କିଙ୍ଗ ୟୁବରାଜ ସିଂ । କିଛିଦିନ ତଳେ କ୍ରିକେଟର ଚହଲଙ୍କୁ ଜାତିଆଣ ଆକ୍ଷେପ କରି ୟୁବରାଜ୍ ଗିରଫ ହୋଇ ଚର୍ଚ୍ଚା ଥିଲେ । ବର୍ତ୍ତମାନ ସେ ଜାମିନରେ ବାହାରିଥିଲେ । ହେଲେ ନିକଟରେ ତାଙ୍କର ଏକ ଘୋଷଣା ଅନେକ କ୍ରିକେଟ ପ୍ରେମୀଙ୍କୁ ଖୁସୀ କରିଥିଲାବେଳେ କ୍ରିକେଟ୍ ସମାଲୋଚକଙ୍କୁ ଚକିତ କରିଛି । ସନ୍ୟାସରୁ ଫେରିବେ ଯୁବରାଜ ସିଂ । ପୁଣି କ୍ରିକେଟ୍ ମଇଦାନରେ ଜଲୱା ଦେଖାଇବେ ସିକ୍ସର୍ କିଙ୍ଗ୍ ଯୁବରାଜ । ଆସନ୍ତା ବର୍ଷ ଫେବ୍ରୁଆରୀରେ ସେ କ୍ରିକେଟ ମଇଦାନକୁ ଫେରିବା ନେଇ ଖୋଦ ସୋସିଆଲ ମିଡିଆରେ ଘୋଷଣା କରିଛନ୍ତି । ନିଜ ପୋଷ୍ଟରେ ସେ ଅଗଣିତ ଫ୍ୟାନଙ୍କୁ ଧନ୍ୟବାଦ ଦେବା ସହ ପବ୍ଲିକ୍ ଡିମାଣ୍ଡରେ ପଡିଆକୁ ଓହ୍ଲାଇବାକୁ ନିଷ୍ପତ୍ତି ନେଇଥିବା ପ୍ରକାଶ କରିଛନ୍ତି । ସଦ୍ୟ ଟି୨୦ ବିଶ୍ୱକପରେ ଭାରତୀୟ ଦଳର ଶୋଚନୀୟ ପରାସ୍ତ ପରେ ଅନେକ କ୍ରିକେଟ୍ ପ୍ରେମୀ ଯୁବରାଜଙ୍କୁ କମବ୍ୟାକ୍ କରିବା ଲାଗି ଅନୁରୋଧ କରିଥିଲେ । ଖାସ ସେମାନଙ୍କ ଅନୁରୋଧ ରକ୍ଷା କରିବାକୁ ଯାଇ ଯୁବରାଜ ପୁଣିଥରେ ମଇଦାନକୁ ଫେରିବା ଲାଗି ପ୍ରସ୍ତୁତ ହେଉଛନ୍ତି ।