ନୟାଗଡ଼,(ବାଘୁଆବାର୍ତ୍ତା): ଆଜି ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ମଦ ବେପାରୀଙ୍କ ଗାଡ଼ିର ଲମ୍ବା ଲାଇନ୍ ଦେଖିବାକୁ ମିଳିଥିଲା । ବହୁଦିନ ଧରି ଅନେକ ମଦ ବେପାରୀ ଜିଲ୍ଲାରେ ରାଜ୍ କରିଆସୁଥିଲେ । ରାଜ୍ୟ ସରକାର ଲଟେରୀ ମାଧ୍ୟମରେ ମଦ ବେପାରୀଙ୍କ ଭାଗ୍ୟ ନିର୍ଦ୍ଧାରଣ କରିବା ପାଇଁ ନିର୍ଦ୍ଦେଶ ଦେଇଥିଲେ । ଏହି ନିର୍ଦ୍ଦେଶକୁ ପାଳନ କରି ଆଜି ନୟାଗଡ଼ ଜିଲ୍ଲା ପ୍ରଶାସନ ପକ୍ଷରୁ ୨୬ଟି ବିଦେଶୀ ମଦ ଦୋକାନ ଓ ୧୨ଟି ଦେଶୀ ମଦ ଦୋକାନକୁ କଡ଼ା ଆଇନ୍ ଶୃଙ୍ଖଳା, ସ୍ୱଚ୍ଛ ଓ କୋଭିଡ୍-୧୯ କଟକଣାକୁ ପାଳନ କରି ଆଜି ଲଟେରୀ ମାଧ୍ୟମରେ ଭାଗ୍ୟ ନିର୍ଦ୍ଧାରଣ କରାଯାଇଛି । ଜିଲ୍ଲାପାଳ ଡ଼ ପୋମା ଟୁଡୁ ଆଖୀରେ କଳା କପଡ଼ା ବାନ୍ଧି ମଦ ବ୍ୟବସାୟୀଙ୍କ ଭାଗ୍ୟ ନିର୍ଦ୍ଧାରଣ କରିଥିଲେ । ଏହି କାର୍ଯ୍ୟକ୍ରମରେ ଉପ ଜିଲ୍ଲାପାଳ ଲଗ୍ନଜିତ୍ ରାଉତ, ଅତିରିକ୍ତ ଜିଲ୍ଲାପାଳ ବିଧାନ ଚନ୍ଦ୍ର ରାୟ, ଅବାକାରୀ ଅଧିକ୍ଷକ ଓ ସମସ୍ତ କର୍ମଚାରୀ ଉପସ୍ଥିତ ରହିଥିଲେ । ସମସ୍ତ ନିତି ନିୟମକୁ ପାଳନ କରିବା ସହିତ ଏଲଇଡି ମାଧ୍ୟମରେ ସମସ୍ତ ବେପାରୀମାନଙ୍କୁ ଲଟେରୀର ସିଧା ପ୍ରଶାରଣ କରାଯାଇଥିଲା । ସୂଚନାନୁସାରେ, ସମସ୍ତ ମଦ ଦୋକାନ ପାଇଁ ଆବେଦନ କରିଥିବା ଉପସ୍ଥିତ ପରଖିବା ଏବଂ ସେମାନଙ୍କ ପ୍ରତିନିଧିତ୍ୱମାନଙ୍କୁ ଉପସ୍ଥିତ ରହିବାକୁ ଗୁରୁତ୍ୱ ଦିଆଯାଇଥିଲା । ଜିଲ୍ଲାପାଳ ଅତି ସ୍ୱଚ୍ଛତାର ସହ ସମସ୍ତ ବୈଷୟୀକ ଜ୍ଞାନକୁ ସର୍ବସାଧାରଣରେ ଦେଖାଇବା ସହ ନିଜେ ଆଖିରେ କଳା କପଡ଼ା ବାନ୍ଧି ମଦ ବେପାରୀଙ୍କ ଭାଗ୍ୟ ନିର୍ଦ୍ଧାରଣ କରିଥିଲେ ।
