ନୟାଗଡ଼, (ବାଘୁଆବାର୍ତ୍ତା): ଆଜି ଅପରାହ୍ନ ସାଢେ ୨ଟା ସମୟରେ ଏକ ଅଭାବନୀୟ ଘଟଣା ଘଟିଛି । ପ୍ରତିଦିନ ନୟାଗଡ଼-ଓଡ଼ଗାଁ ରାସ୍ତା ଉପରେ ହଜାର ହଜାର କଲେଜ ଛାତ୍ରୀ କଲେଜ ଓ କୋଚିଂକୁ ପାଠ ପଢିବାକୁ ଯାଉଥିବା ବେଳେ ସୁରକ୍ଷା ନଥିବାରୁ ଜଣେ ଯୁବତୀ ଆଜି ହଟହଟା ହୋଇଥିବା ଜଣାପଡିଛି । ସୂଚନାନୁସାରେ, ନୟାଗଡ଼-ଓଡ଼ଗାଁର ରାସ୍ତାର କଲେଜ ଗଡ଼ାଣି ଠାରେ ଆଜି ଅପରାହ୍ନରେ ଜଣେ ଯୁବତୀ ଓ ଜଣେ ଯୁବକ ଭିଡ଼ାଭିଡ଼ି ହୋଇଥିବା ଦେଖିବାକୁ ମିଳିଛି । ଯୁବକ ଜଣକ ଯୁବତୀର ହାତକୁ ଧରି ଭିଡ଼ୁଥିବା ବେଳେ ଯୁବତୀ ଜଣକ ହାତକୁ ଛିଞ୍ଚାଡି ଦେଉଥିଲା । ତେବେ ଭିଡ଼ାଭିଡ଼ିର କାରଣ ଅସ୍ପଷ୍ଟ ଥିବା ଜଣାପଡିଛି । ସେହି ରାସ୍ତା ଦେଇ ଅନେକ ଯାତ୍ରୀ ଯିବା ଆସିବା କରୁଥିଲେ ମଧ୍ୟ କେହି ପ୍ରତବାଦ କରିନଥିଲେ । ପ୍ରାୟ ଅଧଘଣ୍ଟା ଧରି ଟଣା ଓଟରା ଚାଲୁ ରହିଥିଲା ।
