ଏସଟିଏଫ ଦ୍ୱାରା ଚୋରା କୋଇଲା ଓ ଟ୍ରକ ଜବତ, ଜଣେ ଗିରଫ

ନରସିଂହପୁର (ବାଘୁଆବାର୍ତ୍ତା): କଟକ ଜିଲ୍ଲା ନରସିଂହପୁର ଅଞ୍ଚଳରେ ଏସଟିଏଫ ଟିମକୁ ମିଳିଛି ସଫଳତା । ବହୁତ ଦିନ ଧରି ଚୋରା କୋଇଲା ଚାଲାଣ ହେବାକୁ ନେଇ ଅଭିଯୋଗ ହୋଇ ଆସୁଥିଲା । ବିଶେଷ ସୁତ୍ରରୁ ଖବର ପାଇ ଏସଟିଏଫ ଟିମ୍ ଆଜି ଚଢ଼ଉ କରିଥିଲା । ବେଆଇନ ପରିବହନ କରି ଚୋରା ଚାଲାଣ କରାଯାଇଥିବା ୨୨ ଟନ କୋଇଲାକୁ ଜବତ କରିଛି । ଏଥିସହ ଅଭିଯୁକ୍ତ ସାଗର ସେଠୀକୁ ଗିରଫ କରାଯାଇଛି । ସଠିକ କାଗଜ ପତ୍ର ଦେଖାଇ ପାରିନଥିଲେ ସାଗର । ଗୋଟିଏ ଟାଟା-୭୦୯ ଟ୍ରକକୁ ଜବତ କରାଯାଇଛି । ଏହାକୁ ନେଇ ନରସିଂହପୁର ଥାନାରେ ୮୨/୨୦୨୧ ଏକ ମାମଲା ରୁଜ କରାଯାଇ ଅଧିକ ତଥ୍ୟ ପାଇଁ ତଦନ୍ତ ଜାରି ରହିଛି ।