କୋରାପୁଟ, (ବାଘୁଆବାର୍ତ୍ତା): ବାତ୍ୟା ଗୁଲାବ ପ୍ରଭାବରେ କୋରାପୁଟ ଜିଲ୍ଲାରେ ପ୍ରବଳ ବର୍ଷା ଲାଗି ରହିଛି। କୁନ୍ଦୁଲି ଠାରୁ ପଟାଙ୍ଗି ଯିବା ଜାତୀୟ ରାଜପଥ ଉପରେ ଗଛ ପଡ଼ି ରାସ୍ତା ଅବରୋଧ ହୋଇଯାଇଛି। ପବନର ବେଗ ପଟାଙ୍ଗି ଅଞ୍ଚଳରେ ଅତ୍ୟଧିକ ଥିବାରୁ ଗଛ ଉପୁଡି ପଡିଛି। ତେବେ ଜାତୀୟ ରାଜପଥ ଅବରୋଧ ହୋଇଯିବା କାରଣରୁ ରାସ୍ତା କଡ଼ରେ ଶହଶହ ଗାଡ଼ି ଅଟକି ରହିଥିଲା। ଖବର ପାଇ ଓଡ୍ରାଫ୍ ଟିମ୍ ପହଞ୍ଚି ଗଛ କାଟି ରାସ୍ତା ସଫା କରିଛନ୍ତି। ଆଜି ପାହାନ୍ତିଆରେ ଏଭଳି ସ୍ଥିତି ଉପୁଜିଥିବା ପଟାଙ୍ଗି ତହସିଲଦାର ହରିପ୍ରଦ ସୂଚନା ଦେଇଛନ୍ତି।
