ନୟାଗଡ଼ରେ ଶ୍ରମିକ ଧର୍ମଘଟ

ନୟାଗଡ଼,(ବାଘୁଆବାର୍ତ୍ତା): କେନ୍ଦ୍ରୀୟ ଟ୍ରେଡ୍ ୟୁନିୟନ ଆହ୍ୱାନ କ୍ରମେ ଆଜି ନୟାଗଡ଼ ସହରରେ ବିଭିନ୍ନ ଶ୍ରମିକ ସଂଗଠନ ପକ୍ଷରୁ ବିକ୍ଷୋଭ ଓ ଧର୍ମଘଟ କରାଯାଇଛି । ଶ୍ରମିକ ବିରୋଧୀ ଶ୍ରମ କୋଡ୍ ବାତିଲ, ମଜୁରୀ ୬ ଶହ ଟଙ୍କା କରିବା, ଶ୍ରମିକଙ୍କୁ ସ୍ଥାୟୀ ନିଯୁକ୍ତି, ଅବସରକାଳୀନ ଭତ୍ତା, ଘରୋଇ କରଣ ବନ୍ଦ କରିବା, ବଜାର ଦରକୁ ନିୟନ୍ତ୍ରଣ କରିବା ଭଳି ବିଭିନ୍ନ ଦାବି ନେଇ ବିକ୍ଷୋଭ ପଦର୍ଶନ କରାଯାଇଛି । ସିଆଇଟିୟୁ ନେତା ବିଶ୍ୱନାଥ ମହାପାତ୍ରଙ୍କ ନେତତୃରେ କର୍ମୀମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପଦର୍ଶନ କରିବା ସହ ବିଭିନ୍ନ ବ୍ୟାଙ୍କ, ଜିଲ୍ଲା ଜଜକୋର୍ଟକୁ ବନ୍ଦ କରାଯାଇଥିଲା । ପବିତ୍ର ଇନ୍ଦ୍ରଜିତ, ଏସ.ଏ କରିମ, ଜ୍ୟୋତିପ୍ରଭା ଜେନା, ଅମୀୟ ପଟ୍ଟନାୟକ, ପୂର୍ଣ୍ଣଚନ୍ଦ୍ର ପ୍ରଧାନ, ଭୂବନ ଚନ୍ଦ୍ର ହାତୀ ପ୍ରମୂଖ ବିକ୍ଷୋଭରେ ସାମିଲ ହୋଇଥିଲେ । ଅନ୍ୟପକ୍ଷେ, ଆଜିର ଧର୍ମଘଟ ପ୍ରଭାବ ହୀନ ଥିଲା । ଗାଡ଼ି ମୋଟର ଯାତାୟତ କରୁଥିବା ବେଳେ ଦୋକାନ ବଜାର ସମ୍ପୂର୍ଣ୍ଣ ଖୋଲା ରହିଥିଲା ।