ଦେବଦୂତ ସାଜିଲେ ଗୁରୁମତି ଚୌଧରୀ, ନାଗପୁରରେ ଖୋଲିଲେ କୋଭିଡ ହସ୍ପିଟାଲ

ନାଗପୁର (ବାଘୁଆବାର୍ତ୍ତା): କରୋନା ସଂକ୍ରମିତ ରୋଗୀଙ୍କୁ ସାହାଯ୍ୟ କରିବାକୁ ବଲିଉଡ ଏବଂ ଟିଭି ଷ୍ଟାରମାନେ ଆଗକୁ ଆସୁଛନ୍ତି । କେହି ସେମାନଙ୍କୁ ଖାଦ୍ୟ ଯୋଗାଉଛନ୍ତି ତ ଆଉ କେହି ଅକ୍ସିଜେନ ସିଲିଣ୍ଡରର ବ୍ୟବସ୍ଥା କରୁଛନ୍ତି । ଏହି ସମୟରେ ଟିଭି ଅଭିନେତା ଗୁରୁମତି ଚୌଧରୀ କୋଭିଡ ରୋଗୀଙ୍କୁ ଦେଇଥିବା ପ୍ରତିଶ୍ରୁତି ପାଳନ କରିଛନ୍ତି । ସେ ନାଗପୁରରେ ‘ଆସ୍ଥା’ ନାମକ ଏକ କୋଭିଡ ହସ୍ପିଟାଲ ଖୋଲିଛନ୍ତି । ଯାହାର ଝଲକ ଅଭିନେତା ସୋସିଆଲ ମିଡିଆରେ ମଧ୍ୟ ସେୟାର କରିଛନ୍ତି । ଇନଷ୍ଟାଗ୍ରାମରେ ସେୟାର ହୋଇଥିବା ଫଟୋରେ ଦେଖାଯାଉଛି ଯେ ଗୁରୁମିତ ତାଙ୍କ ଟିମ ସହିତ ଛିଡା ହୋଇଛନ୍ତି । ସେହିଭଳି ଅନ୍ୟ ଏକ ଫଟୋରେ ଅଭିନେତା କ୍ୟାବିନରେ ବସିଥିବାର ନଜର ଆସିଛନ୍ତି । ଗୁରୁମିତ ଏହି ପୋଷ୍ଟକୁ ସେୟାର କରି କ୍ୟାପସନରେ ଲେଖିଛନ୍ତି, ‘ଆଭେଞ୍ଜର୍ସ ପରି ଆମେ କରୋନାକୁ ଘଉଡାଇବା ପାଇଁ ଏକାଠି ହୋଇଛୁ । ଥାନୋସ ଏବଂ ତାର ସେନା ପରି ତାକୁ ମାଟିରେ ମିଶାଇ ଦେବୁ । ଡା.ସୈୟଦ ୱାଜାହତଲି ଏବଂ ଟିମର ସହଯୋଗରେ ନାଗପୁରରେ କୋଭିଡ ରୋଗୀମାନଙ୍କ ପାଇଁ ହସ୍ପିଟାଲର ଆରମ୍ଭ । ମୁଁ ସମସ୍ତ ଏବଂ ଫ୍ରଣ୍ଟଲାଇନ କର୍ମଚାରୀଙ୍କ ପାଇଁ କୃତଜ୍ଞ । ଅଭିନେତା କହିଛନ୍ତି, ‘କିଛି ଦିନ ପୂର୍ବରୁ ମୋର ଜଣେ ମିଡିଆ ବନ୍ଧୁ କୋଭିଡ ସହ ଜଡିତ ସାହାଯ୍ୟ ମାଗିଥିଲେ । ଯେତେବେଳେ ମୁଁ ତାଙ୍କୁ ସାହାଯ୍ୟ କରିବା ପାଇଁ ସୋସିଆଲ ମିଡିଆର ସାହାଯ୍ୟ ନେଇଥିଲି, ସେତେବେଳେ ମୁଁ ଜାଣିବାକୁ ପାଇଲି ଯେ ଦେଶରେ କରୋନାରେ ଅବସ୍ଥା କେତେ ଖରାପ ହୋଇଛି । ତା’ପରେ ମୁଁ ମୋ ମନରେ ଭାବିଲି ଯେ ମୁଁ ଲୋକମାନଙ୍କୁ ସାହାଯ୍ୟ କରିବା ଏବଂ ପ୍ରକୃତ ହିରୋ ଭଳି କାର୍ଯ୍ୟ କରିବା ପାଇଁ ଆଗକୁ ଆସିବା ଉଚିତ । ସେ ଆହୁରି ମଧ୍ୟ କହିଛନ୍ତି, ‘ଲୋକମାନଙ୍କ ଭଲ ପାଇବା ଯାହା ମୁଁ ଜଣେ କଳାକାର ଭାବରେ ସଫଳ ହୋଇଛି । ମୁଁ ଅନୁଭବ କରୁଛି ଯେ ବର୍ତ୍ତମାନ ଏହି ଦେଶ ଏବଂ ଏହି ଦେଶର ଲୋକଙ୍କ ପାଇଁ କିଛି କରିବା ମୋର ପାଳି । ସେଥିପାଇଁ ମୁଁ ଡା.ସୈୟଦ ୱାଜାହତଲି ଏବଂ ତାଙ୍କ ଟିମର ସହାୟତାରେ ନାଗପୁରରେ ଏକ ଡାକ୍ତରଖାନା ଖୋଲିଛି । ଦେଶର ଅନ୍ୟ ସହରରେ ମଧ୍ୟ କୋଭିଡ ହସ୍ପିଟାଲ ଖୋଲିବାକୁ ପ୍ରସ୍ତୁତ କରୁଛି । ଯଦି ଭଗବାନ ଆଶୀର୍ବାଦ କରନ୍ତି, ତାହା ମଧ୍ୟ ଶୀଘ୍ର ଖୋଲିଯିବ ।