ନୟାଗଡ଼, (ବାଘୁଆବାର୍ତ୍ତା) : ଜିଲ୍ଲା ଆଇନସେବା ପ୍ରାଧିକରଣ ନୟାଗଡ଼ଙ୍କ ହସ୍ତକ୍ଷେପରେ ନୂଆଗାଁ ବ୍ଲକ୍ ମାଳିସାହି ଗ୍ରାମପଞ୍ଚାୟତ ଅନ୍ତର୍ଗତ ମାଳିସାହି ଗ୍ରାମର ଲୋକନାଥ ସ୍ୱାଇଁ, ପିତା ୰ ଅନନ୍ତ ସ୍ୱାଇଁଙ୍କୁ ଗ୍ରାମୀଣ ଆଇନ୍ ସହାୟତା କର୍ମୀଙ୍କ ପ୍ରଚେଷ୍ଟାରେ ସଚିବ ରଞ୍ଜୁଲତା ଲେଙ୍କାଙ୍କ ନିର୍ଦ୍ଦେଶରେ ୬୦ବର୍ଷର ରୋଗଗ୍ରସ୍ତ ବୃଦ୍ଧଙ୍କୁ ନୟାଗଡ଼ ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ସବୁ ପ୍ରକାର ବନ୍ଦୋବସ୍ତ କରାଯାଇଛି । ପ୍ରକାଶଥାଉ କି ଉକ୍ତ ବୃଦ୍ଧଙ୍କର ପରିବାରର ୪ଭାଇ ଓ ଗୋଟିଏ ଭଉଣୀ ଥିଲେ ମଧ୍ୟ ତାଙ୍କୁ କେହିହେଲେ ସହଯୋଗ ଓ ସହାୟତାର ହାତ ବଢ଼ାଇନଥିଲେ । ଯାହାଫଳରେ ସେ ରୋଗାଗ୍ରସ୍ତ ହୋଇ ଆଜକୁ ୮ଦିନ ହେବ ନଖାଇ ନପିଇ ଶଯ୍ୟାଶାୟୀ ଥିଲେ । କୌଣସି ସୂତ୍ରରୁ ଖବରପାଇ ଗ୍ରାମୀଣ ଆଇନ୍ ସହାୟତା କର୍ମୀ ରମେଶ କୁମାର ଦାସ ସଚିବଙ୍କ ଦୃଷ୍ଟିଗୋଚରକୁ ଆଣିଥିଲେ । ସଚିବ ବୃଦ୍ଧ ଜଣଙ୍କର ଉପଯୁକ୍ତ ଚିକିତ୍ସା ଓ ଥଇଥାନ ପାଇଁ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ ଦୃଷ୍ଟି ଆକର୍ଷଣ କରିଥିଲେ । ଆଇନ୍ ସହାୟତା କର୍ମୀ ଦେବାଷିଶ ପଟ୍ଟନାୟକ, ଲିପ୍ସା ଦାସ ଏବଂ ପ୍ରଫୁଲ୍ଲ କୁମାର ବେହେରା ପ୍ରମୁଖ ସହଯୋଗ କରିଥିଲେ ।
