ନୟାଗଡ଼ (ବାଘୁଆବାର୍ତ୍ତା ବ୍ୟୁରୋ): ନିତିନ୍ ଚନ୍ଦ୍ର ପ୍ରମୁଖ ଶାସନ ସଚିବ, ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଓଡ଼ିଶା ଦୁଇ ଦିନିଆ ନୟାଗଡ଼ ଗସ୍ତକରି ପ୍ରଥମ ଦିନ ନୂଆଗାଁ ଓ ଦଶପଲ୍ଲାର ବିଭିନ୍ନ କାର୍ଯ୍ୟ ପରିଦର୍ଶନ କରିଥିଲେ । ସେହିପରି ଦ୍ୱିତୀୟ ଦିନ ନୟାଗଡ଼ ଓ ଖଣ୍ଡପଡ଼ା ବ୍ଲକର ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ଗୁଡିକୁ ପରିଦର୍ଶନ କରି ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ସମ୍ମିଳନୀ କକ୍ଷ ସୃଜନ ଠାରେ ସମସ୍ତ ବିଭାଗର ପୁଙ୍ଖାନୁପୁଙ୍ଖ ଭାବେ ସମୀକ୍ଷା କରିଥିଲେ । ବିଦ୍ୟୁତ୍ ବିଭାଗ, ଗ୍ରାମୀଣ ଗୃହ, ଗ୍ରାମ୍ୟ ପାନୀୟ ଜଳ ଯୋଗାଣ, ସ୍ୱାସ୍ଥ୍ୟ, ଜଳସେଚନ, କ୍ଷୁଦ୍ରଜଳସେଚନ, ଉଠାଜଳସେଚନ, କୃଷି, ଉଦ୍ୟାନ ବିଭାଗ, ସାଧାରଣ ବଣ୍ଟନ ବିଭାଗ ଆଦି ବିଭାଗ ଗୁଡ଼କି ର ବିଭିନ୍ନ କାର୍ଯ୍ୟକ୍ରମ ସଂପର୍କରେ ପୁଙ୍ଖାନୁପୁଙ୍ଖ ଭାବେ ସମୀକ୍ଷା କରିଥିଲେ । ଜଳସେଚନ ପ୍ରକଳ୍ପ କରିବା ପାଇଁ ପିଆରଆଇମାନଙ୍କ ସହିତ ଯୋଗାଯୋଗ କରି ଶତକଡ଼ା ୫୦ଭାଗ ଜମିରେ ଜଳସେଚନ କରିବା ପାଇଁ ଜଳସେଚନ ବିଭାଗ ଗୁଡ଼ିକୁ ନିର୍ଦ୍ଦେଶ ଦେଇଥିଲେ ।
ନରେଗା ଯୋଜନା ମାଧ୍ୟମରେ ଜଳସେଚନର ସୁବ୍ୟବସ୍ଥା କରିବା ପାଇଁ ପରାମର୍ଶ ଦେଇଥିଲେ । ଏହି ସମୀକ୍ଷା ବୈଠକରେ ଜିଲ୍ଲାପାଳ ଡ. ଏନ. ତିରୁମାଲା ନାୟକ, ପ୍ରକଳ୍ପ ନିର୍ଦ୍ଦେଶକ ଡ. ଅଭୟ କୁମାର ନାୟକ, ସମସ୍ତ ବିଭାଗର ଅଧିକାରୀମାନେ ଯୋଗଦାନ କରିଥିଲେ ।
