ଚେନ୍ନାଇ,(ବାଘୁଆବାର୍ତ୍ତା): ରବିବାର ଦିନ ବୋଲିଂରେ ଯାଦୁ କରି ୫ଟି ୱିକେଟ୍ ନେଇ ଦମଦାର ପ୍ରଦର୍ଶନ କରିଥିବା ରବିଚନ୍ଦ୍ର ଅଶ୍ୱିନ ଆଜି ବ୍ୟାଟିଂରେ ଚମକ୍ରାର ଇଂନିସ୍ ଖେଳିଛନ୍ତି । ଅଶ୍ୱିନ ୧୪୮ଟି ବଲ୍ ସମ୍ମୁଖୀନ ହୋଇ ୧୪ଟି ଚୌକା ଓ ୧ଟି ଛକା ବଳରେ ୧୦୬ ରନ୍ ସଂଗ୍ରହ କରି ଭାରତର ରନ ସ୍କୋରକୁ ୨୮୬ ରେ ପହଞ୍ଚାଥିବା ଜଣାପଡିଛି । ଚେନ୍ନାଇର ଚେପକ୍ ଷ୍ଟାଡିୟମ୍ରେ ଚାଲିଥିବା ଭାରତ- ଇଂଲଣ୍ଡ ଦ୍ୱିତୀୟ ଟେଷ୍ଟ ମ୍ୟାଚର ୩ୟ ଦିନରେ ଅଶ୍ୱିନଙ୍କ ଶତକୀୟ ଇଂନିସ ବଳରେ ଭାରତ ଇଂଲଣ୍ଡ ଆଗରେ ୪୮୨ ରନର ବିଶାଳ ସ୍କୋର ଛିଡ଼ା କରିଛି । ଭାରତ ଆଜି ପୂର୍ବଦିନ ସ୍କୋର ୫୪/୧ ରୁ ଖେଳ ଆରମ୍ଭ କରିଥିଲା । ରୋହିତ ଶର୍ମା ଓ ପୂଜାରାଙ୍କ ୱିକେଟ ପତନ ପରେ ବିରାଟ କୋହିଲ ଅର୍ଦ୍ଧଶତକୀୟ ଇଂନିସ ଓ ଅଶ୍ୱିନଙ୍କ ଶତକୀୟ ଇଂନିସ ବଳରେ ଭାରତ ଦ୍ୱିତୀୟ ସିଜିନରେ ୨୮୬ରନ୍ରେ ଅଲଆଉଟ୍ ହୋଇଥିଲା । ତେବେ ଇଂଲଣ୍ଡ ଦଳ ସାଢ଼େ ୪ଟା ସୁଦ୍ଧା ମୂଲ୍ୟବାନ ୧ ଟି ୱିକେଟ୍ ହରାଇ ୪୯ ରନ୍ କରିବାରେ ସକ୍ଷମ ହୋଇଛି । ଏହାପୂର୍ବରୁ ଇଂଲଣ୍ଡ ୧୩୪ ରନ୍ରେ ଅଲଆଉଟ୍ ହୋଇଯାଇଥିଲା ।
