ଚେନ୍ନାଇ,(ବାଘୁଆବାର୍ତ୍ତା): ଏଣିକି ଚେନ୍ନାଇ ସହରର ବରିଷ୍ଠ ବ୍ୟକ୍ତିମାନେ ମାଗଣାରେ ବସ ଯାତ୍ରା କରିବେ । ଏହାକୁ ମେଟ୍ରୋପଲିଟାନ୍ ଟ୍ରାନ୍ସପୋର୍ଟ କର୍ପୋରେସନ୍ (ଏମଟିସି) ଲାଗୁ କରିଛି । ଏହି ସେବା ପ୍ରଥମେ ଚେନ୍ନାଇ ସହରରେ ୨୦୧୬ ଫେବୃଆରୀ ମାସରେ ଆରମ୍ଭ କରାଯାଇଥିଲା । ୨୦୨୦ ଜାନୁଆରୀ ସୁଦ୍ଧା ସାଢ଼େ ୩ ଲକ୍ଷରୁ ଉଦ୍ଧ୍ୱର୍ ବରିଷ୍ଠ ନାଗରିକ ଏହି ଯୋଜନାରେ ଉପକୃତ ହୋଇଥିଲେ । ୬୦ ବର୍ଷରୁ ଉଦ୍ଧ୍ୱର୍ ବୟସ୍କବ୍ୟକ୍ତି ବିଶେଷମାନେ ଏମଟିସି ବସରେ ମାସକୁ ୧୦ ଥର ମାଗଣାରେ ଯାତ୍ରା କରିପାରିବେ ବୋଲି ସୂଚନା ମିଳିଛି । ଏମଟିସି ପକ୍ଷରୁ ଟିକେଟ ନବୀକରଣ ପାଇଁ ସହରର ୨୧ ଟି ଡିପୋ ଖୋଲାଯାଇଛି । ଡିପୋକୁ ଯାଇ ନିଜର ବୟସ ଓ ଠିକଣାର ପ୍ରମାଣପତ୍ର ଦେଇ ଆବେଦନ କରିପାରିବେ ଏବଂ ପୂର୍ବରୁ ଟିକେଟ୍ ଥିବା ବରିଷ୍ଠମାନେ ପୁରୁଣା ଟିକେଟ୍ ନେଇ ନବୀକରଣ କରି ଏମଟିସି ବସରେ ମାଗଣା ଯାତ୍ରା କରିପାରିବେ ବୋଲି ସୂଚନା ମିଳିଛି ।
