ଚାରା ବଣ୍ଟନ ଓ ସବୁଜ ନୟାଗଡ଼ ପାଇଁ ସଚେତନତା ପଦଯାତ୍ରା

ନୟାଗଡ଼, (ବାଘୁଆବାର୍ତ୍ତା) : ବଂଶୀଧର ଇଣ୍ଟରନ୍ୟାସନାଲ ଫାଉଣ୍ଡେସନ୍ ପକ୍ଷରୁ ନୟାଗଡ଼ ଜିଲ୍ଲା ନୂଆଗାଁ ବ୍ଲକର ବିଭିନ୍ନ ସ୍ଥାନରେ ଚାରାବଣ୍ଟନ ଓ ସଚେତନତା ପଦଯାତ୍ରା ଅନୁଷ୍ଠିତ ହୋଇଯାଇଛି । ଏହି ଅବସରରେ ଫାଉଣ୍ଡେସନର ଅଧ୍ୟକ୍ଷ ମନୋଜ ସାହୁଙ୍କ ଅଧ୍ୟକ୍ଷତାରେ ନୂଆଗାଁ ଓ ଆଛୁପଡ଼ା ଗ୍ରାମରେ ଏକ ହଜାରେ ସଜନା ଓ ଅମୃତଭଣ୍ଡା ଚାରା ବଣ୍ଟନ କରାଯାଇଛି । ଚଳିତ ମାସ ଗାନ୍ଧୀ ଜୟନ୍ତୀଠାରୁ ଅନୁଷ୍ଠାନ ପକ୍ଷରୁ ଆୟୋଜିତ ହୋଇଥିବା ଏହି ମେଗା ଚାରାବଣ୍ଟନ କାର୍ଯ୍ୟକ୍ରମ ଓ ସବୁଜ ନୟାଗଡ଼ ପଦଯାତ୍ରା ଅବସରରେ ଅନୁଷ୍ଠାନର ସେଚ୍ଛାସେବୀ ମାନେ ଘର ଘର ବୁଲି ଲୋକଙ୍କୁ ଗଛ ଲଗାଇବା ପାଇଁ ଜନସଚେତନତା ସୃଷ୍ଟି କରିବା ସହ ଚାରା ବଣ୍ଟନ କରୁଥିବା ଜଣାଯାଇଛି । ଆଜିର କାର୍ଯ୍ୟକ୍ରମରେ ପ୍ରଫେସର ନୀଳମାଧବ ବେହେରା, ଧୀରେନ୍ ଦାଶ, ଯୁବସମାଜସେବୀ ଶିବରାମ ମହାପାତ୍ର ପ୍ରମୁଖ ଅତିଥି ଭାବେ ଯୋଗ ଦେଇଥିବା ବେଳେ ଅନୁଷ୍ଠାନ ପକ୍ଷରୁ ଲଡୁକିଶୋର ଷଡ଼ଙ୍ଗୀ, ନିର୍ମଳ ରଥ, ନାରାୟଣ ସାହୁ, ରାଜିବ ଲୋଚନ ମିଶ୍ର, ପ୍ରଶାନ୍ତ କୁମାର ପୃଷ୍ଟି ଏବଂ ପ୍ରଦ୍ୟୁମ୍ନ କୁମାର ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।