ବଦଳିଲା ନୟାଗଡ଼ ଜିଲ୍ଲା ମହୋତ୍ସବର ସ୍ଥାନ:ନୟାଗଡ଼ ଷ୍ଟାଡିୟମରେ ହେବ ଜିଲ୍ଲା ମହୋତ୍ସବ

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ମହୋତ୍ସବର ସ୍ଥାନ ପରିବର୍ତ୍ତନ କରାଯାଇଥିବା ନେଇ ପ୍ରଶାସନ ପକ୍ଷରୁ ସ୍ପଟ ସୂଚନା ଦିଆଯାଇଛି । ଚଳିତ ବର୍ଷ ଜିଲ୍ଲା ମହୋତ୍ସବ ପିଟିଏସ୍ ପଡିଆରେ ହେବା ପାଇଁ ସ୍ଥିର କରାଯାଇଥିଲା । ତେବେ ନବ ନିଯୁକ୍ତ ଏଏସଆଇ ମାନଙ୍କ ପ୍ରଶିକ୍ଷଣ ତାଲିମ୍ କାର୍ଯ୍ୟକ୍ରମ ହେବାରୁ ଉକ୍ତ ପଡିଆରେ ମହୋତ୍ସବ କରିବାରେ ବାଧା ସୃଷ୍ଟି ହୋଇଥିଲା । ଜିଲ୍ଲା ମହୋତ୍ସବ ଓ ପଲ୍ଲିଶ୍ରୀ ମେଳା-୨୦୨୨ କେଉଁଠି କରାଯିବ ତାକୁ ନେଇ କଳ୍ପନା ଜଳ୍ପନା ଲାଗି ରହିଥିବା ବେଳେ ଆଜି ଜିଲ୍ଲା ପ୍ରଶାସନ ପକ୍ଷରୁ ସ୍ପଟ ସୂଚନା ଦିଆଯାଇଛି । ପିଟିଏସ ପଡିଆରେ ହେବାକୁ ଥିବା ଜିଲ୍ଲା ମହୋତ୍ସବର ସ୍ଥାନ ପରିବର୍ତ୍ତନ କରାଯାଇ ନୟାଗଡ଼ ଷ୍ଟାଡିୟମରେ ନୟାଗଡ଼ ଜିଲ୍ଲା ମହୋତ୍ସବ ଓ ପଲ୍ଲିଶ୍ରୀ ମେଳା-୨୦୨୨ ପାଳନ କରିବା ପାଇଁ ସ୍ଥିର କରାଯାଇଛି ।