ଓଡିଶାରେ କେତେ ନିବେଶ ହୋଇଛି ପୁଞ୍ଜି, ସଂସଦରେ ଚନ୍ଦ୍ରାଣୀଙ୍କ ପ୍ରଶ୍ନ

ନୂଆଦିଲ୍ଲୀ, (ବାଘୁଆବାର୍ତ୍ତା): ଗତ ପାଞ୍ଚ ବର୍ଷରେ ବିଦେଶୀ ପ୍ରତ୍ୟକ୍ଷ ପୁଞ୍ଜି ନିବେଶ ମାଧ୍ୟମରେ ଓଡ଼ିଶାରେ କେତେ ନିବେଶ ହୋଇଛି । ଏହା ଗତ ବର୍ଷ ତୁଳନାରେ ବଢିଛି ନା କମିଛି । ଏହି ସମୟ ଭିତରେ କେଉଁ ପାଞ୍ଚଟି ବୃହତ କ୍ଷେତ୍ରରେ ଓଡ଼ିଶାରେ ନିବେଶ କରାଯାଇଛି । ଓଡ଼ିଶାରେ ଏଫଡିଆଇ ନିବେଶକୁ ନେଇ ବିଜେଡିର ଲୋକସଭା ସାଂସଦ ଚନ୍ଦ୍ରାଣି ମୁର୍ମୁ ବାଣିଜ୍ୟ ଓ ଶିଳ୍ପ ମନ୍ତ୍ରୀଙ୍କୁ ପ୍ରଶ୍ନ କରିଛନ୍ତି । ଏହାର ଉତ୍ତର ଦେଇଥିଲେ ମନ୍ତ୍ରୀ । ୨୦୧୯-୨୦ରେ ୧୩.୫ ନିୟୁତ ଡଲାର, ୨୦୨୦-୨୧ରେ ୧୯.୭୬ ନିୟୁତ ଡଲାର, ୨୦୨୧-୨୨ରେ ୯୫.୩୩ ନିୟୁତ ଡଲାର, ୨୦୨୨-୨୩ରେ ୩୧.୬୩ ନିୟୁତ ଡଲାର ଏବଂ ୨୦୨୩ ସେପ୍ଟେମ୍ବର ପର୍ଯ୍ୟନ୍ତ ୫.୭୮ ନିୟୁତ ଡଲାର ନିବେଶ ହୋଇଛି । ରାଜ୍ୟରେ ମେଟାଲର୍ଜିକାଲ ଶିଳ୍ପ, କମ୍ପ୍ୟୁଟର, ସଫ୍ଟଓ୍ବେର, ହାର୍ଡଓ୍ବେର ଓ ଶିକ୍ଷା କ୍ଷେତ୍ରରେ ଅଧିକ ନିବେଶ କରାଯାଇଛି ।