ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ ଦିନକୁ ଦିନ କରୋନା ସଂଖ୍ୟା ବୃଦ୍ଧିପାଇବାରେ ଲାଗିଛି । ଏଥିସହିତ ସୁସ୍ଥତା ହାର ମଧ୍ୟ ବୃଦ୍ଧି ପାଇଛି । ଗତ କିଛିଦିନଧରି ଆର୍ଡିସି ଅନିଲ କୁମାର ସାମଲ ବିଭିନ୍ନ ସମୟରେ ନୟାଗଡ଼ ଗସ୍ତ କରି କୋଭିଡ୍ ସମ୍ପର୍କୀୟ ସମସ୍ତ ତଥ୍ୟ ଏବଂ ଏହାର ତଦାରଖ ଉପରେ ଗୁରୁତ୍ୱ ଦେଇଛନ୍ତି । ବିଭିନ୍ନ ଅଞ୍ଚଳ ଗସ୍ତକରି କୋଭିଡ୍ କେୟାର ହସ୍ପିଟାଲ, କୋଭିଡ୍କେୟାର ସେଣ୍ଟର ବୁଲି ଦେଖିଥିଲେ । ଜିଲ୍ଲାରେ କରୋନାର ସ୍ଥିତି କିପରି ଅଛି ଏହାର ତଦାରଖ କରି ଆସୁଛନ୍ତି । ଆଜି ଚାନ୍ଦପୁରଠାରେ ଅବସ୍ଥିତ କୋଭିଡ୍କେୟାର ହସ୍ପିଟାଲକୁ ପରିଦର୍ଶନରେ ଆସିଛନ୍ତି । ଚାନ୍ଦପୁର କୋଭିଡ୍କେୟାର ହସ୍ପିଟାଲକୁ ଭୁବନେଶ୍ୱର ସମ୍ ହସ୍ପିଟାଲ ପରିଚାଳନା କରୁଥିବାରୁ ଏହାର ସମ୍ପୂର୍ଣ୍ଣ ତଥ୍ୟ ନେଇଛନ୍ତି । ଏଥିସହିତ ଜିଲ୍ଲାରେ କରୋନା କିପରି ହ୍ରାସ ପାଇବ ସେଥିପ୍ରତି ଗୁରୁତ୍ୱ ଦେବା ସହ ସାଧାରଣ ଜନତା ସରକାରୀ ନିୟମକୁ ମାନି ଚଳିବା ଉପରେ ଗୁରୁତ୍ୱ ଦେଇଛନ୍ତି । ଏହି ଅବସରରେ ନୟାଗଡ଼ ଜିଲ୍ଲାପାଳ ଡ. ପୋମା ଟୁଡୁ, ପ୍ରକଳ୍ପ ନିର୍ଦ୍ଦେଶକ ସୁବାଷଚନ୍ଦ୍ର ରାୟ, ସମ୍ ହସ୍ପିଲାଟ କର୍ତ୍ତୃପକ୍ଷଙ୍କ ସହ ଆଲୋଚନା ଜାରି ରଖିଛନ୍ତି । ଚାନ୍ଦପୁର କୋଭିଡ୍ ହସ୍ପିଟାଲରେ ଥିବା ରୋଗୀଙ୍କ ସମସ୍ୟା ଏବଂ ସ୍ୱାସ୍ଥ୍ୟସେବା ଯୋଗାଇ ଆସୁଥିବା ଯୋଦ୍ଧାମାନଙ୍କର ଭଲମନ୍ଦ ବୁଝୁଛନ୍ତି ।
