ଛୁଆକୁ ଧରି ଡ୍ୟୁଟିରେ ମହିଳା

ଚଣ୍ଡିଗଡ଼,(ବାଘୁଆବାର୍ତ୍ତା): ଦେହରେ ଅଛି ଡ୍ୟୁଟି ବେଳର ୟୁନିଫର୍ମ । କାନ୍ଧରେ ଛୁଆକୁ ଧରି ଡ୍ୟୁଟି କରୁଛନ୍ତି ଜଣେ କର୍ତ୍ତବ୍ୟ ନିଷ୍ଠ ମହିଳା ଟ୍ରାଫିକ୍ କନେଷ୍ଟବଳ । ମମତା ଆଗରେ ଫିକା ପଡିନି କର୍ତ୍ତବ୍ୟ । ଛୁଆକୁ ଧରି ଟ୍ରାଫିକ୍ ପୋଷ୍ଟରେ ଡ୍ୟୁଟି କରୁଥିବା ବେଳର ଏକ ଫଟୋ ଭାଇରାଲ ହେବାରେ ଲାଗିଛି । ଏଭଳି ଘଟଣାଟି ସାମ୍ନାକୁ ଆସିଛି ଚଣ୍ଡିଗଡ଼ ସହରରେ । ସୂଚନାନୁସାରେ, ଚଣ୍ଡିଗଡ଼ ସେକ୍ଟର-୨୪ରେ ଥିବା ଟ୍ରାଫିକ୍ ପୋଷ୍ଟରେ ଟ୍ରାଫିକ୍ କନେଷ୍ଟବଳ ଭାବେ କାର୍ଯ୍ୟ କରୁଥିବା ପ୍ରିୟଙ୍କା ଶୁକ୍ରବାର ଦିନ ନିଜ ଛୁଆକୁ ଧରି ଡ୍ୟୁଟି କରି ଟ୍ରାଫିକ୍ ନିୟନ୍ତ୍ରଣ କରୁଥିବା ବେଳେ ଉକ୍ତ ରାସ୍ତା ଦେଇ ଯାତାୟତ କରୁଥିବା ଲୋକ ମହିଳା କନେଷ୍ଟବଳ କର୍ତ୍ତବ୍ୟ ନିଷ୍ଠ ଟ୍ରାଫିକ୍ ଡ୍ୟୁଟି ଓ ମାଆ ର ମମତାକୁ ସାଲ୍ୟୁଟ ମାରିବା ସହିତ ଫଟୋ ଉଠାଇ ତ ଆଉ କିଏ ଭିଡିଓ କରି ସୋସିଆଲ ମିଡ଼ିଆରେ ଭାଇରାଲ କରିଥିଲା । ତେବେ ଟ୍ରାଫିକ କନେଷ୍ଟବଳ ପ୍ରିୟଙ୍କା ଆଗରେ ମମତା ଓ ଡ୍ୟୁଟି ସମାନ ବୋଲି କହିଥିବା ଜଣାପଡିଛି ।